ဆောင်းပါးခေါင်းစဉ်က “သင်းကြန်လား၊ သင်းဇာန်လား” တဲ့၊ အခု မြန်မာသင်္ကြန်အကြောင်းကို ရှင်းပြထားတာ။ ကျွန်တော် တသက်လုံး သင်္ကြန်ဆိုတဲ့ ဝေါဟာရကို ပါဠိ ကနေဆင်းသက်လာတဲ့ အခေါ်အဝေါ် တခုလို့ထင်လာခဲ့တာ အခုဖတ်ပြီးမှ သက္ကတ ဘာသာကနေဆင်းသက်လာတယ်ဆိုတာကို သိရတယ်။ သင်္ကြန်အလေ့အထက ဟိန္ဒူတွေရဲ့ အယူဝါဒက ပေါက်ဖွားလာတဲ့ ပွဲတော် တခုဖြစ်တဲ့အတွက် မြန်မာ့ ၁၂ ရာသီပွဲကို မပြည့်ပြည့် အောင်ဖြည့်ပေးခဲ့တဲ့ ရှေးလူကြီးများကို ပြန်မြင်ယောင်ကြည့်တယ်။  မြန်မာ့သမိုင်းအဆက်ဆက်မှာ သင်္ကြန်ပွဲကို အမျိုးမျိုးကျင်းပ လာခဲ့တာ ကိုလဲ လေ့လာခဲ့မိတယ်။ကုန်းဘောင်မင်းဆက်တဆက်ဖြစ်တဲ့ပုဂံမင်းလက်ထက်မှာသင်္ကြန်ကို တလလောက်ကျခဲ့တာကြောင့် အမရပူရမှာ ရေတော်တော်ပေါခဲ့တယ်လို့ထင်ခဲ့တယ်။  နောက်တခုက သင်္ကြန် ဒဏ္ဍာရီ တခုဖြစ်တဲ့ ကာဝါလမိုင်းရသေ့ ဆီမှာ သကြားမင်းနဲ့ ဗြမဟာမင်း လူ့ပြည်မှာ ၇ ရက်နဲ့ ၈ ရက် ဘယ်ဟာကို ရသတ္တ တပတ် လုပ်မယ်ဆိုတာ ငြင်းခုံကြရင်း ဖြစ်လာတယ်ဆိုတာကြောင့် နတ်တွေလဲ အတော်လေးအလောင်းအစားသန်တယ်ဆိုတာ သိခဲ့ရတယ်။ သကြားမင်းဆင်းတယမဟုတ်ဘဲ ဆန်းဒေးဂြိုလ်မင်းဆင်းတယ် ဆိုတာလဲသိခဲ့တယ်။ ဒါကြောင့် နတ်သက်နဲ့တွက်ကြည့်ရင် သူလဲတက်လိုက်ဆင်းလိုက်နဲ့အားမယ်မထင်ဘူးလို့ ငယ်ငယ်ကတွေးမိတယ်။ ဗြမဟာ့ ဦးခေါင်းဆိုတာကို မြန်မာလိုနားလည်ကတည်းကကြားဘူးတယ်။ အမေက ခဏခဏပြောတယ်။ ကျွန်တော့်အကိုကို နင်ကဗြမဟာ့ဦးခေါင်းလိုဘဲ ဘယ်မှာထားရမှန်းမသိဘူး ဆိုပြီး၊ ဒါနဲ့စပ်စုကြည့်တော့ သိလာတဲ့အသိအရ ရေထဲချရေခန်း၊ မြေပေါ်ထားမီးလောင်တဲ့ ဒီခေါင်းကို နတ်သမီးတွေက အလှည့်ကျ ကမ်းရင်း တခါကမ်းရင် သင်္ကြန်တခါကျတယ်၊ လူ့ပြည်မှာတစ်နှစ်ပေါ့၊ နတ်သက်ကတော့ခဏလေးပြောတယ်။ ဒါဆို ဒီလိုနတ်သမီးငါးပါးက ပါဆယ်ဂိမ်းကစားသလိုဘဲ ဦးခေါင်းကြီးကို ကမ်းနေကြရမယ်လို့လဲ ကြံကြံဖန်ဖန်တွေးဖူးတယ်။ နောက်တခုကတော့ ဒီဦးခေါင်းကို ကိုင်မယ့် နတ်သမီးက သကြားမင်းရဲ့အဆောင်အယောင်တခုဖြစ်တဲ့ စလွယ်သိုင်းကြိုးလို တန်ဆာတခုကို ဆင်မြန်းမှ အပူသတ်သာတယ်လို့လဲလူကြီးတွေကပြောတယ်။ အဲဒီတန်ဆာကို သင်္ကြန်စာမှာတွေ့ဖူးတယ်။  ဒီလိုဆို နတ်သမီးတွေ ဒီစလွယ်ကြီးဝတ်လိုက်ချွတ်လိုက်နဲ့ ဦးခေါင်းကိုလဲ ကမ်းကြရတယ်ဆို တော်တော်လေး ကရိကထများမယ်လို့တွေးမိတိုင်း ကိုယ့်ကိုယ်ကို အဖြေရှာမရဖြစ်ခဲ့ရတယ်။ ၉နှစ်သားလောက်ကထင်ပါတယ်။ သင်္ကြန်စာမှာ သင်္ကြန်ကျမယ့် အချိန်ကိုမှတ်ထားပြီး အိမ်ရှေ့မှာထား ထားတဲ့ သင်္ကြန်အိုးနားကနေ မိုးပေါ်ကသကြား မင်းဆင်းလာမယ်ဆိုလို့ မော့မော့ကြည့်ပြီး စောင့်နေဘူးတယ်။ နောက်တော့မှာ ဒါတွေဘာတခုမှမ ဟုတ်မှန်းသိခဲ့တယ်။

“သင်္ကြန်” လို့ဆိုတဲ့ စာလုံးပေါင်းကို ပုဂံခေတ်ကတည်းက ဒီလိုပေါင်းတယ်လို့ထင်တယ်၊ အမတ်ကြီး ရာဇသင်္ကြန်ဆိုတဲ့လို့ ဆိုတဲ့ အရေးအသားကို ပုဂံခေတ်ကျောက်စာတွေမှာ တွေ့ခဲ့တယ်လို့သိရတာကြောင့် အဲဒီအမတ်ကြီးကို သင်္ကြန်မှာမွေးခဲ့တာလို့ထင်ခဲ့တယ်။

ဒါနဲ့ဆောင်းပါးအကြောင်းပြန်ဆက်ရရင် သင်္ကြန်ဆိုတာက ပါဠိဘာသာကနေဆင်းသက်လာတာဆိုရင် ဘာသာဗေဒ သဘောတရားအရ သင်္ကန္တ ဆိုတဲ့စကားလုံးမှဖြစ်ရမှာဖြစ်ပြီး မြန်မာလိုအသံထွက်ရင် သင်းကန် ဖြစ်လိမ့်မယ်လို့ ဆရာကြီးက ဆိုထားပါတယ်။ နောက်တခုက တော့ သက္ကတ ဘာသာကဆင်းသက်ကြောင်းသက်သေအနေနဲ့ ဆံကရံတ ဒါမှမဟုတ် ဆံကရံတိ ဆိုတဲ့စကားနေပေါ်ပေါက်လာတာဖြစ်နိုင်ပြီး အဓိပ္ပါယ်ကတော့ ရာသီတစ်ခုတစ်ခုကို ကူးပြောင်းခြင်းလို့ ဆိုပါတယ်။ ဒါကြောင့် သက္ကတ ဘာသာကနေဆင်းသက်လာတဲ့ ဆံကရံတိ ခေါ်သင်္ကြန် ကို အိန္ဒိယ ကနေကူးဆက်လာတယ် လို့ ဆရာကြီးကဒီဆောင်းပါးနဲ့ကောက်ချက်အပြတ်အသားချထားပါတယ်။

သင်္ကြန်ပွဲကို အိန္ဒိယမှာ ဟိုးလီ ဆိုပြီး လုပ်တယ်။ ဒါပေမယ့် ကျွန်တော်တို့နဲ့အချိန်မတူဘူး။ ရှေးတုန်းကရေပတ်တယ်ပြောတယ်။ အခုတော့ ရောင်စုံအမှုန့်တွေ နဲ့ပတ်တယ်။ ဒါပေမယ့် ရေနဲ့လဲ ပတ်တာကို တွေ့ရပါတယ်။ ထေရ၀ါဒတွေဖြစ် တဲ့ ထိုင်း၊ လာအိုနဲ့ ကမ်ဘောဒီးယား ၊ မြန်မာတို့ကျတော့ အချိန် တူကြတယ်။ ခေါ်တဲ့အခေါ်အဝေါနဲနဲလေး ကွဲလွဲတယ်။ ထိုင်းမှာ သင်္ကြန်ကို ဆွန်ခရမ် လို့ခေါ်တယ်။ ဒီတော့ အမြန်အသံထွက်ကြည့်ရင်ဆခရမ် လို့ ထွက်တယ်။ ဒါကြောင့် သင်္ကြန်ဆိုတဲ့ အသံထွက်နဲ့ အတော်လေးနီးစပ်တယ်။ စကားမစပ် နောက်တခုက ပွဲထဲမှာ ထိုင်းနဲ့မြန်မာအသံဆင်တာက ကထိန်ဘဲ။ မြန်မာက ကထိန်လို့အသံထွက်တယ်။ ထိုင်းက ကထုံ လို့အသံထွက်တယ်။ မြန်မာတွေလိုဘဲ ထိုင်းတွေကလဲသူတို့ဘာသာစကားတော်တော်များများမှာ ပါဠိဘာသာ ကိုယူသုံးထားတာကို တွေ့မိတယ်။ ဌာနေ – ဌာနီ ၊ အန္တရာယ် – အန္တရိုင်း စတာတွေကိုတွေ့တာကြောင့် ထိုင်းစကား ကိုသင်ချင်စိတ်ပေါ်လာတယ်။

ရှေးတုန်းက သိလာခဲ့တာတော့ မြန်မာ့ရိုးရာတာသင်္ကြန် ယဉ်ယဉ်ကျေးကျေး ရေပတ်တယ်။ သပြေခတ်နဲ့ ရေခွက်နဲ့တဲ့၊ ကျွန်တော်လူမှန်းသိကတည်းက သင်္ကြန်တွေက တော့ အကြမ်းနဲ့အရမ်းကြီးဘဲ။ ရေပူဘောင်းဒဏ်ကို အလူးအလဲခံစားခဲ့ရဘူးတယ်။ ကွန်ပရပ်ဆာပန့်နဲ့ပတ်လို့ ခါးမှာ အရေပြားပဲ့သွားဘူးတယ်။ မီးသတ်ပိုတ် တန်ခိုးကြောင့် ရင်ဘတ်အောင့်သွားဘူးတယ်။ အခုမှတော်တော်လေးပပျောက်သွားတာ။  ဦးဘဂျမ်းကာတွန်း တပုဒ်ကြောင့် သင်္ကြန်မှာ မြန်မာတွေ ရမ်းချင်တိုင်းရမ်းနေတာ ရာစုနှစ် ရဲ့လေးပုံ သုံးပုံလောက်ကျော်နေပြီဆိုတာ သတိ ထားမိတယ်။

သင်္ကြန်ယိမ်းကတာတွေကတော့ ကိုလိုနီခေတ်ရဲ့ လက်ချက်တွေထင်ပါတယ်။ မြန်မာသင်္ကြန်မှာမှ  ယိမ်းကရတယ်လို့ ရှေးခေတ် အဆက်ဆက်လုပ်လာတယ်လို့မကြားမိဘူး။ ရှိခဲ့ရင်လဲ အခုလို အ၀တ်အစားတွေလို့တော့မထင် ၊ ကိုလိုနီခေတ်ရဲ့ ဆိုးမွေးများ မြန်မာတွေ အခုထိခံခံနေရတယ်။ အလှုခံလဲ လော်စပီကာနဲ့ အော်ကြီးဟစ်ကျယ်၊ အာရုံဆွမ်းလောင်းတာတောင် ဓမ္မာရုံကနေ လင်းအားကြီး နားမခံသာအောင် ဓါတ်စက်ကြီးဖွင့်နေတာတွေ၊ အဲ- နောက်ဆုံးတော့ ၂ကျိတ်၈ဆူလှည့်တာတောင် သီချင်းဖွင့်တဲ့ ကားသီးသန့်ကြီးနဲ့ နောက်ကနေပါလာပြီး Techno တွေ အကြီးအကျယ်ဖွင့်လာတဲ့အထိဘဲ။ ဒါနဲ့ ပြန်ဆက်ရရင် နောက်တော့ သင်္ကြန်အကဆိုတာ ပါပေါ်လာတယ်။ အခု ရောင်စုံ ၀မ်းဆက်တွေနဲ့ ပန်းတွေပန်ပြီး ကနေတာ မြန်မာ့ရိုးရာ ယဉ်ကျေးမှုစစ်စစ်လို့တော့မဟုတ်နိုင်ဘူး။ ပုဆိုးနဲ့ တိုက်ပုံက မြန်မာတွေသူများတွေဆီကနေကူးချထား တယ်လို့သမိုင်းဆရာကြီး ဒေါက်တာသန်းထွန်းကပြောတယ်။ တို့ဘိုးဘွားတွေက ပုဆိုးဝတ်တာ နှစ် ၁၀၀ ဆို ဘောင်းဘီဝတ်တာက နှစ် ၄၀၀ လောက်ရှိမယ်လို့ ဆရာကြီး ဒေါက်တာ သန်းထွန်းရေးတဲ့ ငါပြင်ချင်တဲ့ ငါ့အကြောင်းဆိုတဲ့ စာအုပ်ထဲမှာ တွေ့လိုက်တယ်။

အခုသင်္ကြန်တွေက တော်ယုံထက်ကို ပေါ်တင်ကျတဲ့ အ၀တ်အစားလောလလီတာတွေများလာတယ်လို့မြင်တယ်။ ကျွန်တော်တို့ခပ်ငယ်ငယ် လွန်ခဲ့တဲ့ ၁၀နှစ်လောက်နေဒီဘက်ကို ပိုပိုဆိုးလာတယ်။ သင်္ကြန်ဆိုတာ လုပ်ချင်ရာလုပ်ဝတ်ချင်ရာဝတ် ဖို့ ဖန်တီးထားတဲ့ပွဲ၊ နေ့ခင်းကြောင်တောင် နိုက်ကလပ်တွေကို ရေဖြန်းပေးပြီး သုံးလေးရက်ကျင်းပပေးတဲ့ပွဲ၊ ဖြစ်ချင်တိုင်းဖြစ်လို့ရတဲ့ ဆဲချင်တိုင်းဆဲ ကဲချင်တိုင်းကဲလို့ရတဲ့ပွဲလို့ ထင်ထင်လာကြတယ်ထင်တယ်။ ဒါပေမယ့် လွန်ခဲ့တဲ့ ၅ နှစ် ၆ နှစ်လောက်ကစပြီး သင်္ကြန်လဲ ရန်ကုန်ဆိုသင်္ကြန် သင်္ကြန်ဆို ရန်ကုန် လုပ်လာတာကနေ ဘယ်ရွေ့သွားပြီမသိဘူး၊ ရာသီဥတုကပူ ကုန်ကျမှုတွေတက်နဲ့ လျော့ရိခေလျာ့ယဲ သင်္ကြန်ဖြစ်လာပြီး မကြာခင် သပြေခက်နဲ့ရေပတ်တဲ့ အဆင့်ကို ဂလိုဘယ်ခေတ်နဲ့အညီရောက်သွားပြီး ရေပတ်ချင်ရင် ဖေ့ဘွတ်ကနေပတ်တဲ့ အနေအထား ဖြစ်သွားနိုင်တယ်။  အရမ်းလဲခေတ်ဆန်ပစ်လို့မရသလို အရမ်းလဲ မြန်မာဆန်နေလို့တော့ မဖြစ်နိုင်ဘူး။ ဘယ်လိုအနေအထားမှာဘဲဖြစ်ဖြစ် အဲဒီခေတ်ရဲ့တောင်းဆိုမှုကို ရှောင်လွဲလို့မရနိုင်ဘူး။  ဒီလိုဘဲ မြန်မာဆန်ချင်တယ်ဆိုရင်တော့ နားနှစ်ဖက်ကိုဖောက်ပြီး နားထောင်းပန်၊ ကုန်းဘောင်ခေတ်အထိဝတ်နေသေးတဲ့ တောင်ရှည်ပုဆိုးဝတ်၊ ထိုးကွင်းထိုး၊ ဆံပင်ကို အရှည်ထားပြီး ခေါင်းပေါင်းကို ကိုလိုနီခေတ်ကမှပေါ်လာတဲ့မောင့်ကျက်သရည် ဆိုလား instant ခေါင်းပေါင်းမပေါင်းဘဲ ပုဝါရှည်နဲ့ ပေါင်းထုတ် ၊ အဲဒီအတိုင်း သင်္ကြန်မှာ လျောက်လည်ရင်တော့ ဖိုးသူတော်စကားယူသုံးရင်နားကားကုန်မှာ အသေအချာဘဲ

မိုးခါးရေတွေတောင် မိုးခေါင်ရေရှားလို့ အငွေ့ပျံတော့မယ်

သူလိုကိုယ်လိုကြားထဲက ပုဆိုးခြုံထဲ လက်သီးမပြချင်တော့။

နံငယ်ပိုင်းနဲ့ လန်ချားဆွဲ

သီးစုံကုလားဟင်းရောင်းတဲ့ ပုဏ္ဍားဘကွန်း

စီးပွားရေးမှာ ရေခဲရေသည်တောင် risk ရှိတယ်တဲ့

အောင်မြင်မှုအပေါင်းသရဖူဆောင်းဖို့

အပြုံးတုတွေဆင်မြန်းတတ်ရတယ်၊ ဟုတ်လဲဟုတ် မဟုတ်လဲဟုတ်

ဟုတ်ကဲ့နဲ့ ကျေးဇူးတင်ပါတယ် ဖောဖောသီသီသုံး

ထမင်းတလုပ်ကို ၅ထောင်တန်နဲ့မြောက်စား

ပိုက်ဆံထုတ်တွေ တသီကြီးရောက်သွားမယ်တဲ့။

သက်ကြီးစကားသက်ငယ် မကြားနိုင်ဘူး

လှိုင်းလွန်ကြိမ်နှုန်းတွေနဲ့ထုတ်လွှတ်တဲ့ ဒီခေတ်မှာ

ဖန်ခွက်တခွက်ကို အသံတိတ်ခွဲပြနိုင်ခဲ့။

အက်ဒီဆင်ရဲ့ရှာဖွေတွေ့ရှိမှုအတွက်

ကိုလံဘတ်ရဲ့ရှာဖွေတွေ့ရှိမှုအတွက်

အလတ်ဇန်းနားဖလန်းမင်းရဲ့ရှာဖွေတွေ့ရှိမှုအတွက်

ဘုရားသခင်မှာ မူပိုင်ခွင့်ရှိသလား။

IP knowledge အတွက် ရှေ့နေကောင်းကောင်း ငှားထားဖို့ဘဲလိုတဲ့ခေတ်

စာရွက်တွေပေါ်မှာ မင်တချက်စွန်းမသွားတာတောင် ဒေါ်လာသန်းချီပြီး အရှုံးအမြတ် ထွက်သွားမယ့်ခေတ်

Ddos တိုက်ခံရဖို့ ဘာမှ ကာကွယ်ထားနိုင်စွမ်းမရှိအောင် ဟာလာဟင်းလင်းနဲ့ခေတ်

anonymous power အသိခေါက်ခက်နဲ့ social network ပေါ်က လူတွင်ကျယ်လုပ်ချင်တဲ့ခေတ်

တစ်သျှူးစက္ကူ မရှိရင် လက်မသုတ်တတ်တဲ့ခေတ်

ဘိုထိုင်အိမ်သာမှာ ငုတ်တုတ်ထိုင်တဲ့ အတန်းအစားတွေ ကာရာအိုကေသွား digit တွေနဲ့ကစားတဲ့ခေတ်

ဘောလုံးပွဲ ညလုံးပေါက်ထိုင်ကြည့်ပြီး ထမင်းငတ်နေတဲ့ခေတ်

မစားရ၀ခမန်း လူ “လပ်” တန်းစား တံတွေးခွက်မှာ တကမ္ဘာလုံး မြောပါနေတဲ့ခေတ်

ကံစမ်းမဲမလိုတဲ့ လူတန်းစားတွေက ရွှေဆွဲပြားတွေ ဆပ်ပြာထဲ သနပ်ခါးထဲ ငါးပိရေကြိုထဲ ထည့်ထားကြတဲ့ခေတ်

ဘာခေတ်မှန်းမသိတဲ့ ခေတ်မှာ

ကမ္ဘာတခုထည်းမှာတင် တတိယမ္ဘာ၊ စတုတ္ထကမ္ဘာနဲ့ အတန်းအစားခွဲခြားနေတဲ့ခေတ်

ကမ္ဘာကို လုံးသလား ပြားသလား ခုထိအငြင်းပွားနေတဲ့ခေတ်

ကမ္ဘာက ရွာကြီးဖြစ်သွားတယ်လို့ ကြွေးကြော်လိုက်တာနဲ့ စာရိတ္တတွေ တောဆန်သွားတဲ့ခေတ်

ကမ္ဘာနဲ့ချီပြီးပြောဆိုလုပ်ကိုင်နေတဲ့ Globalization ကို အာမခံ ထားရှိမှု ခံမထားရတဲ့ခေတ်

လူဖြစ်လာပြီးမှ လူတယောက်မှန်းသေချာမသိရတဲ့ခေတ်

စဉ်းစားရင်း တခေတ် ခေတ် ဖြစ်လာခဲ့တယ်

တခစ်ခစ် ရယ်ချင်ခဲ့တယ်

တခွိခွိနဲ့ ရူးသွပ်သွားမယ်

နေ့လည်က ထမင်းပေါင်းစားခဲ့

ဖနိပ်ပြောင်ပြောင်လေးစီးပြီး ကိုယ့်စိတ်ကို ကိုယ်မှန်ကြည့်ဖို့ မကြိုးစားချင်ခဲ့

ကိုမိုးလှိုင်ညရဲ့ သိမ်ကြီးဈေးကတော့ ဖျားနာနေတယ်

မင်းယွန်းသစ်ရဲ့ မျက်မှန်က ခုတလောမအားရှာဘူး

ကိုမျက်လုံးနဲ့ ဘိုဝတို့တော့ ဓါတ်ပုံတွေရိုက်ဦးလိမ့်မယ်

ကျွန်တော်တော့ ကွမ်းဝယ်စားဖို့ အကြွေရှာဦးမယ်

အကြွေရှားတဲ့ ခေတ်ဖြစ်နေတယ်။

မှောင်မဲနေပြီး ဒီအမှိုက်တွေကြားထဲမှာ ကြာရှည်စွာလဲလျောင်းနေရတဲ့ ဖယောင်းတိုင်တိုကတော့ တချိန်မှာ ပြန်ပြီးထွန်းလင်းနိုးအချိန်တွေစောင့်စား တဖြည်းဖြည်းနဲ့ ပါးပါးသွားတော့မလား။

ကြာတော့ကြာခဲ့ပြီ ကြာလဲကြာနေပြီ တနေ့မှာတော့ လူတယောက်က အဲဒီအခန်းထဲဝင်လာတယ်။ အမှောင်ထုရဲ့ ရိုက်ပုတ်မှုက သူ့အမြင်ကိုေ၀၀ါးစေတယ်။ ဒါနဲ့သူက အလင်းရောင်တခုကို ဖန်တီးခဲ့ ချင်တယ်။

သူ့မှာ ပါလာတဲ့ မီးခြစ်နဲ့ အခန်းထဲမှာ အလင်းရောင်ရရှိဖို့ကြိုးစားခဲ့သေးတယ်။ ဒါပေမယ့် ကြာရှည်မခံဘူး။ အဲဒီအချိန်မှာ သူတစုံတခုကို တက်နင်းမိလို့ အောက်ကိုငုံ့ကြည့်မိတယ်။ ဖယောင်းတိုင် တို တစ်ချောင်းကိုတွေ့သွားတယ်။

မျှော်လင့်ချက်မီးတပွင့်ကို ဒီဖယောင်းတိုင်တိုပေါ်မှာ ကူးညှိလိုက်တယ်။

အလင်းရောင်နောက်ကို သူလိုက်ရင်း သူလိုချင်တာကိုရှာတွေ့သွားခဲ့တယ်။

ပြီးတော့ သူ့ဖယောင်းတိုင်တိုလေးကို မီးငြှိမ်းပြီး ပြန်ပစ်ချထားခဲ့တယ်။

ဖယောင်းတိုလေးကတော့ အရင်အတိုင်းဆက်လက်လှဲလျောင်းရင်း နောက်တချိန်ပြန်ထွန်းလင်းခွင့်ကိုစောင့်နေပြန်တယ်။

သူကတော့ ဘယ်အချိန်ဖြစ်ဖြစ် အစွမ်းကုန်ထွန်းလင်းတောက်ပနေချင်ခဲ့တာ။

တကယ်တမ်းက ကိုယ်ပိုင်တောက်ပခွင့်မရှိမှန်း၊ မီးစာကုန်ရေခန်းချိန်မရောက်သမျှသူနားလည်ဦးမယ်မသိဘူး။

ဒါပေမယ့် ဖယောင်းတိုင်တိုလေးပေမယ့် အသုံးဝင်ခွင့်က တချိန်မဟုတ်တချိန် တိုက်ဆိုင်မှုရှိရင်တော့ မျှော်လင့်လို့ရဦးမယ်။

ရှေးကတည်းက ယိုးဒယားရာမ ကစပြီး ပတ်ပျိုးယိုးဒယားဆုံးလို့ မြန်မာမှုပြုလိုက်တဲ့ ယဉ်ကျေးမှုက ရှိခဲ့တယ်။ သူတပါးရဲ့တီထွင်ဖန်တီးမှုကိုကူးယူတယ်ဆိုတာ ရည်ရွယ်ချက်အမျိုးမျိုးလဲရှိတယ်။ ကောင်း ကျိုးဆိုးကျိုးအမျိုးမျိုးဒွေးရောယှက်တင်လို့။ မြန်မာမှုပြုတယ်ဆိုတာ ယဉ်ယဉ်ကျေးကျေးပြောတာ၊ အတုခိုးတယ် ဆိုလဲ နဲနဲ ကောင်းတယ်၊ တကယ်က ခိုးချတာ။ ရှေးတုန်းက လူ့သမိုင်းမှာ နည်းပညာ တွေ ကောင်းကောင်းမတိုးတက်သေးတော့ အတုယူတယ် အတုခိုးတယ်ဆိုတာ မိမိ ဒေသနဲ့ကိုက်ညီမယ့် အနေအထားကို ရောက်အောင် ပေါင်းစပ်ပြီး တင်ပြချင်လို့ လက်ဆင့်ကမ်းချင်လို့ အနုပညာ ပိုင်း မှာ အတတ်ပညာပိုင်းမှာ မြန်မာ့အယူအဆတွေနဲ့ပေါ်လွင်လာဖို့ တိုင်းတပါးက ယဉ်ကျေးမှု အနုပညာနဲ့ ဖန်တီးမှုတွေကို ဆင့်ကမ်းတင်ပြတယ်လို့မြင်တယ်။ သိပ္ပံမောင်ဝလို ခောတ်စမ်းစာပေ အရေး အသားတွေ၊ ရွေဥဒေါင်းရဲ့ ဦးစံရှားတွေဟာ လက်ဆင့်ကမ်းစေချင်ဖို့ မှီငြမ်းခဲ့တာလို့မြင်တယ်။ ဒါက မြန်မာမှုကို မြန်မာဆန်ဆန်ပြုတာ။

မကြည်အောင်နဲ့ချယ်ရီမြေ

စစ်ကြိုခေတ်မတိုင်ခင်ကတည်းက မြန်မာ့သီချင်းလောကမှာ မကြည်အောင်တို့လိုသီချင်းသည်တွေက အနောက်တိုင်းဂီတ အလိုက်တွေကို ဆိုကြတယ်။ တော်တော်လေးလဲ ပြင်းပြင်းထန်ထန် ထိုးနှက် ခံခဲ့ရတာရှိတယ်။ ဒါက ခေတ်နဲလိုက်လျောညီထွေဖြစ်လာအောင် လို့တီထွင်ကြတာ လမ်းသစ်ဖောက်ကြတာ။ နောက်တော့ တလုံးမကျန် အလိုက် ကူးချတဲ့ မောင်တို့ချယ်ရီမြေလို သီချင်းတွေ ပေါ်လာ တယ်။ ဒါကလဲ ဦးဝင်းဦး ရဲ့ တီထွင်ဖန်တီးမှုတွေထဲက မဖြစ်စလောက် မှီငြမ်းမှုတခုဘဲ၊ သူ့သက်တမ်းတလျောက် ကိုယ်တိုင်ဖန်တီးမှုတွေ အများအပြားလုပ်ခဲ့တယ်။ ဒီတော့ တချို့တလေ မှီငြမ်းတာက ပြောပလောက်အောင်မဖြစ်ခဲ့ဘူး။

ဇာတ်နောက်စိကြေ

ဒီဘက်ခောတ်ရောက်လာတော့ ဆယ်စုနှစ် ၂ ခုလောက်ကြာနေပြီ မြန်မာ့ဇာတ်သဘင်တွေမှာ စတိတ်ရှိုးတွေသွင်းပြကြတယ်။ ဇာတ်ကတာကြည့်ချင်လို့လာတာ စတိတ်ရှိုးကြည့်ချင်ရင် တခြားကြည့် ကြ မှာပေါ့။ ထွင်လဲထွင်ပ၊ ထွင်တာတောင် မိုးမင်းက ဗန်သလာအိုက်စ် ခောတ်စားတဲ့အချိန်မှာ အဖွဲ့လိုက် ဇာတ်စင်ပေါ်တက်ကပြီး Ice Ice Moe Min, Ice Ice Moe Min. ဆိုပြီး လုပ်ချလိုက်တာ။ နောက်ပိုင်းသူ့ ဆွေမျိုးဖြစ်တဲ့ ဟန်ဇာမိုးဝင်းကပါ ဒီဘက် ဂလိုဘယ်လိုက်ဇေးရှင်းခေတ်ရောက်မှ ရှာကီရာ သီချင်းကို ဟန်ဇာလေးပါဘဲ ဟန်ဇာလေးပါဘဲ ဆိုပြီး လူပျက်တွေကို ဗန်းနဲ့တင်မခိုင်းပြီး ကပြ လိုက်တာ ဇာတ်ပျက်ရုံတင်မက ဆရာအီကြာကွေးစကားနဲ့ပြောရရင် ဇာတ်ခေါင်းကွဲ ဇာတ်နောက်စိကြေ ဖြစ်တော့မယ်။ ဒါက အတုခိုးရမယ့် အနေအထားမဟုတ်ဘူး။ မြန်မာ့ဇာတ်သဘင် ဆိုတာ မြန်မာ့ အက မြန်မာ့အဆို မြန်မာ ဆိုင်းဝိုင်းတွေကို အဓိက ထိန်းသိမ်းထားတဲ့ မြန်မာ့ အနုပညာ ယဉ်ကြေးမှုအစုအဝေးကြီးဘဲ၊ ဖိုးစိန်ကြီး ရှိနေတုန်းဆိုရင်တော့ သူလဲ ယှဉ်ပြိုင်ပြီး ဂျက်စဆင်ဘီဘာ သီချင်းနဲ့ ကလေမလားမပြောတတ်။

စတူရီယိုလားမိုနိုလား

စတူရီယိုခေတ်ရယ်လို့ မြန်မာ့ တေးသံရှင်သီချင်းလောကမှာ ဖြစ်လာတယ်။ ဘာလို့လဲဆိုတော့ မိုနို စနစ်ကနေ စတူရီယိုခေတ်ရောက်မှ ပေါ်လာလို့ထင်တယ်။ နောက်ပိုင်းတောင် စတူရီယို အဆိုတော် ဆိုပြီး ကြေငြာတာတွေ့ခဲ့ဘူးတယ်။ အခုခောတ်ကတော့ ဒီဂျစ်တယ်ခေတ်ဆိုတော့ အခုအဆိုရှင်တွေကို ဒီဂျစ်တယ်အဆိုတော်လို့ ခေါ်မှသင့်တော်မယ်ထင်တယ်။ တက္ကသိုလ်ထွန်းနောင် တို့ ပလေးဘွိုင်းသန်းနိုင်တို့ခေတ်မှာ အတိုက်အခိုက်ပေါင်းများစွာကိုရင်ဆိုင်ပြီး နိုင်ငံခြားသံစဉ် တွေကို တင်သွင်းကြတယ်။ တေးသွားအလိုက်ယူပြီး မြန်မာစာသွတ်ကြတယ်။ ကောင်းခဲ့ပါတယ်။ ကြိုးစားခဲ့ ကြလို့လေ။ နောက်တော့ ကိုယ်ပိုင်သံစဉ်တွေကို အဆိုပိုများလာကြတယ်။ ဒါက ဘုရားပြီးရင် ငြမ်းဖျက်ရမယ့် အနေအထားဘဲကိုး။ သူတို့တွေရှေ့ဆောင်ခဲ့လို့ တေးသံရှင်တခေတ်ဆန်းခဲ့ပေမယ့် နောက်ပိုင်း လူတွေဘာဆက်လုပ်တယ်မသိဘူး ကော်ပီတူ ကော်ပီ လုပ်တာကိုလက်ယဉ်လာတယ်။ ဘာဖြစ်ဖြစ် နိုင်ငံခြားမှာ နာမည်ကြီးတဲ့သီချင်းဆို မြန်မာစာသွတ်လိုက်တာဘဲ။ လက်ခံတဲ့သူတွေက အဆန်းမဟုတ်ဘူး။ နားထောင်လို့ကောင်းတဲ့သံစဉ်မို့ ကမ္ဘာကျော်လာတဲ့သီချင်းကို မြန်မာလိုပြန်နားထောင်ရတော့ သဘောကျတာ။

အိုးလေးလှုပ်ပါဟေ့

ဒီဂျစ်တယ်ခေတ်မှာ clone လို့ခေါ်တဲ့ ပွားကူးတဲ့ နည်းပညာက ပစ္စည်းတွေတင်မက လူတွေရဲ့အသိပညာမူပိုင်ခွင့်ကိုပါ အပြင်းအထန်ထိုးနှက်လာတယ်။ အိုးလေးလှုပ်ပါဟေ့လို စိုင်းစိုင်းခမ်းလှိုင် တို့ သုံးပုဒ်တပုဒ်ပေါင်း တွေ၊ လေးဖြူတို့ မဇဥူရီ သီချင်းလို၊ အားလုံးအားလုံးကို ကူးချ လာလိုက်တာ နောက်ဆုံး ကမ္ဘာ့ဖလားက ၀ါကာဝါကာ သီချင်းပါတဲ့တခွေလုံးကို ပြန်ထုတ်တဲ့အထိ ရေချိန်က မြင့်တက်လာတယ်။ အရင်လို တီးလုံးသံစဉ်တွေကို ပြန်တီးစရာမလိုလောက်အောင်နည်းပညာမြင့်မားလာလိုက်တာ သီချင်းအသစ်ကို ဖန်တီးတာာမလုပ်ဘဲ မနေ့က အမေရိကမှာထွက်တဲ့သီချင်းကို အင်တာနက်ကနေဒေါင်းလုပ်ချပြီး ၂၄ နာရီမပြည့်ခင်မှာ မြန်မာစာသွင်းထားတဲ့ သီချင်းတပုဒ်က စက်ရုံကထွက်သလို ထွက်လာကြတယ်။ နောက်ဆုံးတော့ ကပ္ပလီတွေ သူတို့ခံစားချက်ထုတ်ဖော်တဲ့ hip hop သီချင်း အလိုက်တွေကို အသစ်ပြန်ဖန်တီးတဲ့ ကလေးတွေကမှ ကိုယ်ပိုင်သံစဉ်ကို များများလုပ်နိုင်ကြသေးတယ်။

ဒိုးလုံးနဲ့ထူးအိမ်သင်

သူတို့တွေက အတတ်နိုင်ဆုံး ကိုယ်ပိုင်သံစဉ်တွေထုတ်ကြတယ်။ ကိုယ်ပိုင်သံစဉ်တွေကို အများဆုံးရေးစပ်တာ မြန်မာသံစဉ်လို့ခေါ်တဲ့ အရပ်အခေါ် တောသီချင်းတွေဘဲရှိတယ်။ စတူရီယို တံဆိပ်ကပ် ထားတဲ့ အဆိုတော်တွေထဲမှာ ကိုယ်ပိုင်သံစဉ်ကို တစိုက်မတ်မတ် ဆိုကြသူတွေ အခိုင်အမာ ပရိတ်သတ်ရကြတာလဲမဆန်းဘူး။ တွံတေးသိန်းတန်၊ မြန်မာပြည်သိန်းတန် ၊ခင်မောင်တိုး၊ စိုင်းထီးဆိုင် တို့ သီချင်းတွေက တောရောမြို့ပါမကျန် ပါးစပ်ဖျားမှာ ရနေကြတယ်။ တကယ်က ဒီသံစဉ်တွေက အနောက်တိုင်း တူရိယာတွေကို သုံးပြီး ကိုယ်ပိုင် ခံစားချက် အနုပညာကို ထုတ်ပြရတာဘဲ။ ဖန်တီးကြတဲ့နေရာမှာ ပရိတ်သတ်ကို သူတို့ တကယ် အားထုတ်ပေးကြတာ စေတနာဘဲ။ အနောက်တိုင်းက နာမည်ကြီး သီချင်းတွေကို ကူးရေးပြီး ကြီးကြီးကျယ်ကျယ်ပြောတဲ့တေးရေးဆရာတွေကို အားနားပါရဲ့။ ရေးတာတော့ရေးပါ ကြွားကြ တာတော့မကောင်းဘူး။ စကားလုံးတွေကို ရှာရတာ အရမ်း ခက်ခဲတယ်။ ကျွန်တော်တို့အနေနဲ့ အမြဲတမ်း ဆန်းသစ်ဖို့ကြိုးစားတယ်လို့ ဒီဘက်ခေတ်နာမည်ကြီးတေးရေးဆရာတယောက်က မဏ္ဍပ် တိုင်တက်ပြလိုက်တာ ကြားဖူးတယ်။ သူ့ကြိုးစားမှုအတွက် လေးစားလိုက်တာကွယ်။

သခိုးကလူဟစ်

နောက်တော့ စားခွက်လုတယ်ပြောရမှာဘဲ။ သူများနိုင်ငံက သီချင်းလဲ ခိုးချသေးတယ်။ ဟိုလူကယူဆိုလို့ ဒီလူက ပြန်ပြီး အသစ်လုပ်လို့ ငါပိုင်တယ် သူပိုင်တယ်နဲ့ရှက်စရာကောင်းတယ်။ အိုးကမပူ စလောင်းက ပူ ဥပဒေတွေတောင်ထုတ်ပြ မူပိုင်ခွင့်က ဘယ်သူဘယ်ဝါနဲ့။ ဂလိုဘယ်ခေတ်မှာ အသံထွက်လာတဲ့ ဥာနဆိုင်ရာ မှုပိုင်ခွင့်တောင်အလွဲသုံးစားလုပ်လိုက်ကြသေးတယ်။ နောက်တော့ ခိုးကူး ခွေကို တရားခံရှာပြီး သူခိုးလက်က သ၀ှက်လုဖြစ်ကြတယ်။ စားသုံးသူကလဲ သိတယ်လေ။ အားထုတ်ထားတာ အာပလာ ဖြစ်နေပြီး ကွာလတီမကောင်းတဲ့ ဒီအခွေ ဆေးဆိုးပန်းရိုက်လုပ်ထုတ် ထားတဲ့ မူရင်းခွေကိုမ၀ယ်တော့ဘူး တထောင်ဖိုးသုံးခွေနဲ့ သေလွယ်ကာပျောက်လွယ်ကာ တခါကြည့်ပြီး ပြီးရော သိမ်းမထားတော့ဘူး။ တကယ်က တန်ဖိုးမထားကြတော့ဘူး။ တကယ်အားထုတ် သူတွေကိုတော့အားနာပါရဲ့ ပဲကြီးလှော်ကြားဆားညှပ်ရှာတယ်။

ကိုရီးယားအိုပါးစတိုင်နဲ့ မြန်မာမှု

နောက်တော့ကိုရီးယား ရုပ်ရှင် နဲ့ဂီတက အာရှကိုလွှမ်မိုးလာတယ်။ ကိုရီးယားကရုပ်ရှင်မှာ မြန်မာထက်နောက်ကျတယ်။ ဒါပေမယ့် အခုကျော်တက်သွားပြီ။ ကိုရီးယားက သရုပ်ဆောင်တွေလောက် တော့ မြန်မာသရုပ်ဆောင်တွေလုပ်နိုင်ပါတယ်လို့ ပြည်တွင်းထုတ်ဂျာနယ်တွေကနေ လက်သီးပုန်းပြကြတယ်။ သိပ်ကောင်းတဲ့ ကိုရီးယားကားတွေကို မြန်မာမှုပြုပြီး ပြန်ရိုက်တယ်ဆိုတာကရှိသေးတယ်။ မြန်မာစာတမ်းထိုးထားတဲ့ ကိုရီးယားကားတွေ လမ်းဘေးမှာ ၀ယ်လို့ရတယ်။ ဘယ့်နှယ့်မြန်မာမှုလုပ်နေသေးလဲ တော်တော်လေး တီထွင်ရမယ်ထင်တယ်။ အင်တာနက်ခေတ်၊ ဂြိုလ်တုစလောင်းကနေ ၂၄ နာရီ မပြတ်တမ်း တောရောမြို့ပါမကျန် ကြည့်နေတဲ့ခေတ်။ ရှေးကလို လက်ဆင့်ကမ်းပေးရလောက်အောင် နောက်မကျတော့ဘူး။ ကိုရီးယား သီချင်း လေးကောင်းရင်လဲ ခါတော်မှီခိုးချ၊ ဟိုက ကောင်မလေးဆိုတာကို ဒီက ကောင်လေးတွေက ပြန်ဆို ရှက်တက်ရင်ရှက်ဖို့ကောင်းတယ်။

ခိုးရင်လဲ မှီအောင်ခိုးပေ့ါ

ရုပ်ရှင်ရော ဂီတရော အကရော ဘာမှ အခိုးကမလွတ်ဘူး။ ခိုးတော့လဲ မှီအောင်မခိုးနိုင်။ သီချင်းခိုးတော့ မူရင်းအတိုင်းမတီးနိုင်မဆိုနိုင်။ ရုပ်ရှင်ဆိုပိုဆိုး ( Transporter movie နဲ့ ကယ်ရီ မြန်မာဇာတ်လမ်း ၊ The Good the bad and ugly နဲ့ မောင်ရင်ငတေမိုက်ကန်းသည် ) ဒါတွေကိုယှဉ်ကြည့်။ ကတာလဲ စိတ်ပျက်ဖို့ကောင်းအောင်ခိုးချတယ်။ မိုက်ကယ်ဂျက်ဆင်လဲမနေရ ရှက်ကီရာလဲ မနေရ ဂျနီဖာလိုပတ်လဲ မနေရ ရစ်ကီမာတင်ပါ ခိုးချ။ ဒါတောင် အိန္ဒယ အကတွေ ကို လိုက်ကချင်ကြသေးတယ်။

မလုပ်နိုင်တာလားမလုပ်တတ်တာလားမလုပ်ချင်တာလား

ကျွန်တော်သိသလောက်တော့ ဒီက သူတွေအားလုံး ကိုယ်တိုင်ဖန်တီးနိုင်တဲ့ အစွမ်းအစ အပြည့်အ၀ရှိတယ်ဆိုတာဘဲ ဒါပေမယ့် ဘာကြောင့် ဒီလို လုပ်တာတွေမစဉ်းစားတတ်ဘူး။ အစိုးရပေါ်လစီကြောင့် ဈေးကွက်ကြောင့် စားသုံးသူကြောင့်ဆိုပြီး ဆင်ခြေမပေးစေချင်ဘူး။ လုပ်လို့ရတဲ့ အပိုင်းတွေများကြီးရှိလျက်နဲ့ ရေသခိုအချောင်လိုက်ပြီး လုပ်နေတာတွေ တော်လောက်ပြီထင်တယ်။

မှတ်ချက် ။ ။ မနက်က လက်ဖက်ရည်ဆိုင်မှာ အဆိုတော်သအိုရဲ့ သီချင်းဗီစီဒီခွေကိုကြည့်ပြီး စိတ်ထဲမှာ အတော့်ကို ပြောချင်လာလို့ရေးလိုက်တာ။ ပြောချင်နောတာကြာပြီ ရှည်ရှည်ပြောရရင် စာမျက်နှာ ၅၀၀ ကျော်သွားနိုင်တယ်။

ဘာဆီမှန်းမသိတော့ ဓါတ်ဆီ

ဘာရှင်မှန်းမသိတော့ ဓါတ်ရှင်

ဘာလုံးမှန်းမသိတော့ ဓါတ်လုံး

ဘာအပြားမှန်းမသိတော့ ဓါတ်ပြား

ဘာစက်မှန်းမသိတော့ ဓါတ်စက်

ဘာမှန်းသေချာမသိတော့ ဓါတ်လိုက်တယ်

ဘာပုံမှန်းမသိတော့ ဓါတ်ပုံ

ဘာရိုက်မှန်းမသိတော့ ဓါတ်ရိုက်

ဘာပွဲမှန်းမသိတော့ ဓါတ်ပွဲ

အို ဓါတ် ဓါတ် ဓါတ်

ဒီတော့

ဘာကောင်မှန်းမသိရင် ဓါတ်ကောင်ဘဲ

ဘာပေါက်မှန်းမသိတော့ ဓါတ်ပေါက်တာဘဲ

ဘာတွေလုပ်မှန်းသေချာမသိရင် ဓါတ်ကိုသာ အရှေ့မှာထည့်။

ဓါတ်ဘဲ

ကျွန်တော်တို့ အိုင်တီ ကဏ္ဍမှာလဲ ထိုနည်းလည်းကောင်းဘဲ၊ ဂျာနယ်တွေ ၊ အင်တာနက်သတင်းတွေမှာ ဘာပွဲဟေ့ဆို ဘယ်လိုလုပ်တော့မယ်ဆိုတာ ကြိုသိနေတယ်။ ဘယ်လို အကြောင်းအရာ နဲ့ဘဲ ခေါင်းစဉ်တပ်တပ် နားဝင်ပီယံလှတဲ့ ပတ်ပျိုးလိုဘဲ၊ ချိုနေတာဘဲ၊ မုန့်ဆီကြော်ကဘယ်နေမှန်းမသိ၊ မစားရ၀ခမန်း တွေ ခပ်ထွားထွားပြောပြီး အင်တာနက်ကြီးကလေ–သိလား၊ ဟိုနိုင်ငံမှာတော့ ဘယ်လို ဆော့ဝဲကို သုံးပြီး ဘယ်လိုထုတ်လိုတာ… သိလား၊ ဟိုပစ္စည်းဟာလေ ဈေးကြီးတာလဲ မပြောနဲ့ သိပ်ဆန်းတာဘဲ…သိလား။ အဲဒီလိုတွေနဲ့ဘဲ အချိန်ကုန်နေတာဘဲ။ ကိုယ့်ဟာကိုတော့ ဒီနေ့ အထိ ဂဏန်းပေါင်းစက်တောင် မထွင်နိုင်ဘူး။

အဆန်းထွင်တာတွေလဲရှိပါတယ်၊ လက်တော့တွေကို အကအဖွဲ့တွေနဲ့ပွဲထုတ်တာတို့၊ keyboard ပေါ်မှာ မြန်မာစာ စာလုံးတွေကပ်တာတို့၊ ၀က်ဆိုဒ် တမျက်နှာကို လေးငါးထောင်နဲ့ဆွဲပြမယ် ဆိုတာ တို့၊ တော်သေးတယ် mouse မှာ လက်ခလယ်၊ လက်ညှိုးဆိုတာတွေ ရေးမကပ်ကြတာ။ ကျွန်တော်တို့အပါအ၀င်ပေါ့ အင်တာနက်ထဲမှာ မြန်မာလို တကယ့်အသုံးတည့်တဲ့ စာတွေ ရေးတဲ့ နေရာ အားနည်းတယ်။ ဒီနေရာမှာ အားရစရာအကောင်းဆုံးကတော့ အိုင်တီနည်းပညာနဲ့ပတ်သတ်တဲ့ မြန်မာလိုအရေးအသားက အရင်ကတည်းးက အခုထိ ထိပ်ဆုံမှာရှိပြီး ၈၀% လောက်အသုံးတည့် တဲ့ စာပေတွေကို အွန်လိုင်းကနေရှာဖွေနိုင်တယ်။ စိတ်မကောင်းစရာက အခြား ကဏ္ဍတွေဖြစ်တဲ့ သမိုင်း၊ ယဉ်ကျေးမှု၊ အခြားအနုပညာ ဆိုင်ရာတွေနဲ့ အသိပညာ ပိုင်းဆိုင်ရာ မြန်မာလိုရေးသားတဲ့ ဆောင်းပါး တွေ ၀တ္တုတွေက အားနည်းနေတဲ့ အနေအထားမှာ ရှိနေတုန်းပါဘဲ။ ဒါတွေကတော့ နည်းပညာပိုင်းနဲ့မဆိုင်ပေမယ့် တကယ့်ကို ကောင်းပါတယ်ဆိုတဲ့ မြန်မာလို ရှာနိုင်ပါတယ်ဆိုတဲ့ search engine တွေ ပေါ်လာရင် ဘဲဖြစ်ဖြစ်၊ (လိုပါသေးတယ်- uni code တောင်စံမငြိမ်သေးဘူး)၊ တကယ်လိုအပ်လို့ google ကနေတဆင်ရှာတာဘဲဖြစ်ဖြစ်၊ ကိုးကားလေ့လာစရာ မြန်မာလို ရေးတဲ့ စာတွေ ကရှားပါးနေဆဲဘဲ။ အဲ- အခုကျွန်တော်ပြောနေတာလဲ ထူးမခြားနား ပတ်ပျိုးဘဲ၊ ခဏခဏ ပြောနေလို့လေ။ သူများတွေလဲပြောကြတယ်၊ သူငယ်ချင်းတွေလဲပြောကြတယ်၊ ဆရာကြီး တွေလဲ ပြောကြတယ်၊ နောက်ဆုံးတော့

ထူးမခြားနား — ပတ်ပျိုးမှာတော့ ………………………..ယိုးဒယားဘဲ

ဒါပေမယ့် မှတ်ချက်ပေးကြတဲ့ မိတ်ဆွေတွေကို လေးစားမှုဖြင့် ဖြုတ်သိမ်းခြင်းမပြုဘဲ ဒီမှာ ပြန်လည်တင်ပြပေးပါတယ်။ မူရင်းဖတ်လိုသူများ အီးမေးမှတဆင့် တောင်းခံနိုင်ပါတယ်။

လေးစားစွာဖြင့်

Author : kom (IP: 220.255.7.158 , 220.255.7.158)
E-mail : khinoomay77@gmail.com
URL    : http://khinoomay77.blogspot.com/
Whois  : http://ws.arin.net/cgi-bin/whois.pl?queryinput=220.255.7.158
Comment:
Posted in ရေးချင်ရာရေး

Author : tomandjerry (IP: 94.136.50.63 , server5609.123-serv.co.uk)
E-mail : tomnjerrykid@gmail.com
URL    :
Whois  : http://ws.arin.net/cgi-bin/whois.pl?queryinput=94.136.50.63
Comment:
သောက်ရူး
အဖွဲ့လေးတစ်ဖွဲ့နှစ်ဖွဲ့မှာပြါ

မနေ့က သုဝဏ္ဍအားကစားရုံ (၁) မှာ ဟစ်ဟော့အကော့စတစ် ပွဲကို သွားကြည့်တယ်။ ကျွန်တော်ရယ် ၀က်လေးမင်းယွန်းရယ်၊ ရောင်းသူနဲ့ နီညန်းရယ်။ ဟစ်ဟော့ကို ဝေဖန်တာတော့မဟုတ်ပေမယ့် ပွဲနဲ့ပတ်သတ်တာကိုဝေဖန်ချင်တာ။ အကော့စတစ်(ငယ်ငယ်ကတည်းကခေါ်နေတာ ဒီအသံထွက်ဘဲ) acoustic (အခုတော့ အကုစတစ်ဆိုလား) ပွဲလက်မှတ်က ၅၀၀၀တန်းနဲ့၇၀၀၀ တန်းရှိတယ်။ ပွဲအ၀င်လဲကျရော ၅၅၀၀ ဖြစ်သွားတယ်။ ထားလိုက်တော့ပေါ့။ ဒါနဲ့ နန်းညီက ရေတဘူးဝယ်လိုက်တယ်။ ခြေလှမ်းငါးလှမ်းလောက်လဲရောက်ရော အဲဒီ ရေဘူးကို ယူမရဘူးဆိုပြီး ၀င်ပေါက်မှာပြောတယ်။ ဒါဆို အစကတည်းက အိတ်နဲ့ထည့်ပေးဖို့ ပြောထားသင့်တာ။ ဒါနဲ့ အိတ်အပေါက်ထဲ ရေထည့်မရတာနဲ့ မကုန် ကုန်အောင် လေးယောက်သား ဇွတ် သောက်ပစ်လိုက်ရော။ ရုံထဲဝင်မယ်လဲဆိုတော့ ၀င်ပေါက်မှာ ၅၀၀၀ တန်းက ဒီဘက် ၇၀၀၀ တန်းက ဒီဘက်ဝင် ဆိုပြီးပြောပြန်ရော။ ရောင်းတော့ ၅၅၀၀ နဲ့ အခုဝင်တော့ ၅၀၀၀ ဖြစ်ပြန်ရော။ လုံခြုံရေးက လဲ အားနည်းတယ်။ အိတ်တွေကိုစစ်တာ သမန်ကာရှန်ကာဘဲ။ ပွဲခင်းထဲလဲရောက်ရော အောက်ဘက်က မတ်တပ်ရပ်ကြည့်ဖို့လုပ်ထားပြီး အပေါ်ပွဲကြည့်စင်မှာတော့ ထိုင်ဖို့နေရာပေးထားတယ်။ ကျွန်တော်တို့လဲ ၅၀၀၀ တန်းအပေါက်က ၀င်လာတာ ဆိုတော့ မတ်တပ်ဘဲ ရပ်ရမလား အပေါ် ဘဲတက်ထိုင်ရမလား စဉ်းစားရင်းအပေါ်တက်လာလိုက်တယ်။ နောက်တော့မှ အဲဒါက ၇၀၀၀ တန်းဖြစ်နေတယ်။ ဒါဆို ဘာလို့ အ၀င်တုန်းက ၀င်စရာနေရာကိုခွဲထားမှန်း နားမလည်တော့ဘူး။ အထဲမှာက ဒီအတိုင်းဘဲ အပေါ်တက်တက် အောက်ဆင်းဆင်း ဘာမှ ကာမထားဘူး။ ဒါနဲ့ဘဲ ၅၅၀၀ ပေးထားတဲ့လက်မှတ်နဲ့ ၇၀၀၀ တန်းက ကြည့်ရတယ်ဆိုပြီး နှစ်သိမ့်လိုက် တယ်။ ပွဲကတော့ ၂ နာရီစမယ်ဆိုပေမယ့် ၂ နာရီ ၄၅ လောက်မှစဖြစ်တယ်။ ပထမပိုင်းမှာ မတ်တပ်သမားတွေ မပြည့်ပေမယ့် နောက်ပိုင်းပြည့်လာတယ်။ ၀င်ပေါက်မှာတော့ ရေသန့်ဘူးမယူရဆိုပြီး အထဲမှာတော့ ရေသန့်တင်မက ဘီယာတခွက်ကို ၁၀၀၀ နဲ့ရောင်းတယ်။ နေ့လည်ပိုင်းကြီးမှာ ဘီယာရောင်းတာ လူငယ်တွေအတွက် အထူးသဖြင့် မိန်းကလေးငယ်တွေအတွက်မသင့်တော်ဘူး ထင်တယ်။ ခေတ်နဲ့လိုက်လျောညီထွေရှိတယ်ဆိုပေမယ့် နေ့လည်နေ့ခင်းမှာ အရွယ်မရောက်သူတွေကို ဘီယာရောင်းတာ ကတော့သိပ်ပြီးစီးပွားရေးဆန်တယ်ထင်တယ်။ နောက်တခုက အ၀င်မှာ blue diamond ဆေးလိပ်တွေကို ဘူးလိုက် လက်ဆောင်ဝေတယ်။ အတွင်းမှာ ဆေးလိပ်မသောက်ရဆိုပြီး ကပ်ထားပေမယ့် ဒီလို ပိတ်လှောင်နေတဲ့ ရုံထဲမှာ ဆေးလိပ်နင်းကန်သောက်ကြတော့ အသက် ရှုတောင်ကြပ်တယ်။ ဒါကလဲ မဖြစ်သင့်တဲ့ ကိစ္စပဲ။ ပွဲစီစဉ်တဲ့သူတွေတော်တော် ရှော်တယ်။ စီးကရက်နံ့ထက် ပြသနာရှိတာက မီးလောင်နိုင်မယ့် အန္တရာယ်ဘဲ။ အောက်မှ မတ်တပ်ရပ်ကြည့် တဲ့လူအုပ်က ကြာနေများလာလေ။ ဆေးလိပ်သောက်တဲ့သူကလဲများလာ။ ဘီယာမူးတဲ့သူတွေကလဲများလာ။ စုစုပေါင်း အဲဒီအောက်မှာ လူ ၁ထောင်ကျော်ထက်မနဲရှိနေတယ်။ တ၀က်လောက်က မူးနေကြပြီ။ အောက်မှာ ရပ်နေတဲ့ ကြမ်းခင်းဟာ တကယ်ဆိုပြောင်လက်ချောမွေ့နေအောင်ထားရတဲ့ အားကစား ပွဲပြုလုပ်ဖို့ တည်ဆောက်ထားတာပါ။ အမျိုးသားအဆင့် ဒီအားကစားရုံထဲမှာ ဒီလို လူအများကြီး စည်းကမ်းမရှိ လုပ်ရပ်တွေကို ပွဲစီစဉ်တဲ့ သူတွေက ဘယ်လိုခွင့်ပြုချက်နဲ့လုပ်တယ်ဆိုတာ မသိတော့ဘူး။ တကယ်ဆိုတော်တော်လေးပျက်စီးသွားနိုင်ပါတယ်။ ဆေးလိပ်မီးစကျရင်၊ သဲတွေ ပါတဲ့ ဖိနပ်တွေနဲ့ အဲဒီကြမ်းပေါ်ကိုနင်းရင် ပျက်စီးမှုတွေအများအပြားဖြစ်မှာပါ။ စီစဉ်တဲ့သူတွေက တော့စောဓက တက်စရာရှိလိမ့်မယ်။ သူတို့တွေကြမ်းခင်းတွေပေါ်ကို တာလဘတ်တွေ ခင်း ပေးထားတယ်ဆိုပြီး။ ပွဲမစခင်ကတည်းက အဲဒီပျက်တောင်းပျက်တောင်းခင်းထားတဲ့ တာလဘတ်စတွေက အကုန်ကွာနေတာ။ ခင်းတယ်ဆိုယုံဘဲခင်းထားတာ။ အကုန်ခလုပ်တိုက်ပြီးပွဲမစခင်ထဲက အဲဒီဟာတွေက ဘေးရောက်နေပြီ။ ဒါကတော့ပွဲထဲမှာ မြင်ရတဲ့ အစီအစဉ်တွေအပေါ်ပြောတာပါ။ ဒီထက်ပြောမကုန်တာတွေရှိသေးတယ်။

ပွဲတင်ဆက်မှုကတော့ အသံစနစ် တော်တော်ညံ့နေတုန်းဘဲ ။ ဘာမှသဲသဲကွဲကွဲမကြားရဘူး။ ပြောပြန်ရင်လဲ စက်မှုပိုင်းလိုအပ်ချက်ရှိနေသေးတယ်ဆိုပြီး ပြောကြဦးမယ်။ မီးဆင်ထားတာကလဲ ညံ့၊ ဆလိုက် တွေကိုပရိတ်သတ် ဘက်ကို ပြန်ပြန်ထိုး တော့ ကြည့်ရတဲ့သူတွေမျက်စိကျိန်းတယ်။ ရိုက်ကူးရေးသမားတွေအတွက်လဲ အနှောက်အယှက်ဖြစ်မှာအမှန်ဘဲ။ စတိတ်ဆင်က ကြော်ငြာနဲ့ဘဲ ဖုံးနေတယ်။ အဓိက ကျတဲ့ စာလုံးတွေကို စပီကာ ကကွယ်ထားတယ်။ စတိတ်ဆင်တဲ့ သူလဲ သောက်သုံးမကျဘူး။ နောက်တခုက လျှပ်စစ်မီးကို သွယ်တန်းထားတာ။ အဲဒါကလဲ ပွဲကြည့်တဲ့သူတွေ ဘေးကနေ သွယ်ထားတာ။ စက်ပိုင်းဆိုင်ရာတွေကို အဓိက ထိန်းချုပ်တဲ့ အခန်းလုပ်ထားတဲ့ဆီကို သူတို့သွယ်တဲ့အခါမှာ ပင်မလျှပ်စစ်ကို ထုတ်ယူတဲ့ နေရာက အပေါက်ကြီးဒီအတိုင်းဖွင့်ထားခဲ့တယ်။ ပွဲအတွင်းမှာတော့ အဲဒီနေရာက ဘီယာမူးပြီးကနေတဲ့ သူတွေအများအပြား ရှိနေတဲ့နေရာနဲ့အရမ်းနီးကပ်နေတာကိုတွေ့ပြန်တယ်။ အစားအစာတွေကို အထဲမှာ သိပ်ပြီးမစားပေမယ့် ပွဲ တ၀က်လောက် မှာ နေကြာစေ့၊ ပီကေနဲ့ဆေးလိပ်ရောင်းတဲ့သူတွေရောက်လာပြန်ရော။ အဲဒီမှာ ဆေးလိပ်သောက်တဲ့ အနေအထားပိုပြင်းထန်လာတယ်( မီးခြစ်ကို အလွယ်တကူရကြလို့)။

ကဲပါရှည်နေတယ်။ သီဆိုတဲ့အပိုင်းမှာတော့ စိုင်းစိုင်း၊ ဂျေမီနဲ့၊ တချို့အဆိုတော်တွေက အကော့စတစ်နဲ့ဆိုတဲ့အပိုင်းမှာသီချင်းတွေကို ဗားရှင်းပြောင်းဆိုကြတယ်။ အချို့ဟာတွေကနားထောင်လို့ ကောင်းပါတယ်။ မဆီမဆိုင် ဟစ်ဟော့နဲ့လားလားမှမဆိုင်တဲ့ ချမ်းချမ်းတို့အေသင်ချိုဆွေတို့ထည့်ထားတာကတော့ ဘာမှန်းနာမလည်ဘူး။ စန္ဒီမြင့်လွင် တော်တော်သရုပ်ပျက်တယ်။ ဆိုချင်သလို လို မဆိုချင်သလိုလိုနဲ့ sexy ကျအောင်ဘဲ ကပြနေတယ်။ လူကခပ်၀၀ နဲ့ ခါးကပေါ်နေတာ ကြည့်မလှသလို သီချင်းစာသားအ ချို့က ရိုင်းတယ်။ များသောအားဖြင့် ဆိုသွားတဲ့ ဟိုမရောက်ဒီမရောက် ဟစ် ဟော့သမားတွေ ရဲ့စာသားတွေက အတော်ဘဲ ကြမ်းတမ်းတဲ့ အသုံးအနှုန်းတွေပါတာကိုတွေ့ရတယ်။ လူငယ်၊ ခောတ်နဲ့အညီ၊ ပေါက်ကွဲတာ၊ သဘာဝဘဲ၊ ဟစ်ဟော့ဂီတ စတဲ့ တောင်စဉ်ရေမရ လျောက်လွှဲချက်တွေနဲ့ အနုပညာကို ဖွင့်ဆိုချက်တွေက တခါတလေ မကောင်းတာကိုတွေ့ရတယ်။

နောက်ဆုံး တော့ပထမပိုင်းအစီအစဉ်ဖြစ်တဲ့ လေးဇီးကလပ်နဲ့ တွဲဆိုတဲ့အချိန်အပြီးမှာ ဒီဂျေနဲ့တွဲဖက်သီဆိုမယ့် အချိန်ရောက်လာတယ်။ ဆိုကြနေတုန်း စင်ပေါ်က ပစ္စည်းတွေမချနေကြတယ်။ ရှုပ်ယှက် ခက်နေတာဘဲ ဘယ်သူ့ကြည့်ရမှန်းကိုမသိတော့ဘူး။ မိနစ် ၂၀လောက်ကို ပစ္စည်းတွေမချ သယ်ချနဲ့ ရုပ်ပျက်တယ်။ တော်တော်လေး စီးပွားရေးဆန်လွန်းတယ်။ လုပ်ချင်ရာကိုလုပ်နေ တော့တာဘဲ။ နောက်တခုက ပွဲကို လုံခြုံရေး ဆိုပြီး ဘယ်သူခန့်ထားမှန်းမသိတဲ့ security ဆိုတဲ့ ငနဲ့သားတွေက ဆက်ဆံရေး မောက်မာတယ်။ ကောင်မလေးတွေ ကောင်လေးတွေကို ဟောက်လား ငန်းလားလုပ်ပြီး ပြောမရတဲ့ သူကျတော့ အမြှီးကုတ်ပြီး ငြိမ်နေတယ်။ ဒါကလဲ မဖြစ်သင့်တာဘဲ၊ တကယ်ဆို တာဝန်ရှိတဲ့အပိုင်းကနေ ပွဲလာကြည့်သူတွေရဲ့လုံခြုံရေး နဲ့အဆင်ပြေရေးကို ဦးတည်ရမှာ အခုက လက်မှတ်စစ်တဲ့ဘ၀က တက်မလာဘဲ စီကျုရတီ စာမ်းထိုးပြီး ရတဲ့နေရာက ရသလို ပြောဆိုကြတယ်ဆိုတာ လဲလုံးဝမကောင်းတာဘဲ။

ပွဲတွေမကြည့်တာကြာလို့လားမသိဘူး ဘာမှ သောက်ချိုးကိုမပြေဘူးကြည့်လို့မရတာနဲ့ ပထမပိုင်းပြီးတဲ့အချိန်မှာဘဲ အပြင်ကို ပြန်ထွက်လာခဲ့တယ်။ အိမ်ပြန်မယ်လုပ်တော့ ကားငှားမလို့ဟာ ယဉ်ထိန်း ရဲတသိုက်က အဲဒီဖြူနီကြားတားထားတဲ့ ပလပ်ဖောင်းမှာ ရပ်နေကြလို့တော်တော်နဲ့ကားငှားမရဘူး။ ဘာတာဝန်ယူထားသလဲတော့မသိဘူး။ အဲဒီနားမှာ ယဉ်နှစ်ထပ်ရပ်ထားတာတွေ တော့ တွေ့ခဲ့တယ်။

အဲ ဒါပါဘဲ ပိတ်တာကြီးဆိုတာ

ယုံချင်ယုံမယုံချင်နေ – ဒါကြောင့် အရှေ့ဝန်ရိုးစွန်း အနောက်ဝန်ရိုးစွန်းလို့မရှိတာပေါ့