ISOC Myanmar Chapter will be soon?

မနေ့က သီချင်းစာရွက်အဟောင်းတွေ ပြန်ရှာရင်း ISOC ကို ၂၀၁၂ တုန်းက စထားတာတွေပြန်တွေ့မိတယ်။ ဒီလိုအချိန်လောက်ပါဘဲ။ အစည်းအဝေးမှတ်တမ်းဟောင်းတွေပေါ့။ အဲဒီတုန်းက ဘယ်သူက ဘာတာဝန်တွေ ယူကြမယ်ဆိုတာတွေလဲပါတယ်။ ကိုယ်က ရွေးကောက်တင်မြောက်မှုနဲ့ သင်းဖွဲ့စည်းမျဉ်းတွေ အတွက် ကိုသောင်းစုငြိမ်းတို့နဲ့ အတူ by law အဖွဲ့မှာပါခဲ့တယ်။ ဧပြီလထဲမှာဘဲ ISOC Myanmar chapter ကို ဖွဲ့စည်း ကြောင်းပွဲလုပ်ပြီး နောက် မှာ နည်းပညာနဲ့ နိုင်ငံရေးနယ်ပယ်က နာမည်ကြီးသူတွေကို ဖိတ်ကြားပြီး ပွဲတစ်ခု လုပ်ဖို့လဲပါတယ်။ ဒါပေမယ့် ဘာရယ်ကြောင့်မသိဘူး အဲဒီကိစ္စတွေ ရပ်သွားခဲ့တယ်။

အခုပြန်စဖို့လမ်းစတော့ ပေါ်လာပြီ။ ပြီးခဲ့တဲ့ လကဘဲ ISOC ကတာဝန်ရှိသူတစ်ယောက်က ဒီလာပြီး Myanmar Chapter ပြန်ဖွဲ့ဖို့လုပ်ချင်တယ်ဆိုတဲ့အကြောင်းကို ပြောလာတယ်။ ကိုယ့်ကိုတောင် အဲဒီအတွက်ပွဲစီစဉ်ပေးနိုင်ဖို့ ကမ်းလှမ်းထား သေးတယ်။ သေတော့မသေချာသေးဘူးပေါ့။ သေချာတာကတော့ ပြန်ဖွဲ့မှာဘဲ။ ကိုသောင်းစုငြိမ်းနဲ့တလောက တွေ့တော့လဲပြောဖြစ်တယ်။ ဒါက မြန်မာနိုင်ငံမှာ မဖြစ်မနေ ရှိသင့်တဲ့ အဖွဲ့အစည်းတစ်ခုပါ။ ဒါကြောင့် စိတ်ပါဝင်စား တဲ့သူတွေက တက်ညီလက်ညီနဲ့ပါဝင်ဆောင်ရွက်နိုင်ဖို့လိုသလို စိတ်ထားမှန်မှန်နဲ့ ဆောင်ရွက်သွားကြဖို့လိုအပ် တယ်လို့ တိုက်တွန်းချင်ပါတယ်။ တကယ် လုပ်နိုင်တဲ့ ပညာရှင်တွေပါဝင်သင့်တယ်။ မကြာခင်မှာဘဲ ISOC Myanmar Chapter ကိုတကယ်ပြန်ဖွဲ့ဖို့အတွက် ကိုသောင်းစုငြိမ်း က ပြန်လည် စုစည်းသွားနိုင်ဖို့ သူ့ Facebook မှာ ကြေငြာထားခဲ့တာတွေ့ပါတယ်။ ဒါကြောင့် ဒီတစ်ကြိမ်တော့ တိုက်တိုက်ဆိုင်ဆိုင် တကယ်ဖြစ်ပေါ်လာဖို့ရှိနေပါတယ်။

0 comments: