သူတော်လိမ် - ၁

 

တခေတ်တခါက လန်ဒုံမြို့ကြီးပေါ်တွင်သာမကဘဲ ကမ္ဘာတလွှား အထိတ်တလန့် အံ့သြခဲ့ရသော လိမ်လည်မှုကြီးတခုဖြစ်ပွားခဲ့လေသည်။ ထိုလိမ်ညာမှုကြီးကို ကျွနိုပ်၏ မိတ် ဆွေကြီး စုံထောက်ကျော် တက်လော့ဟုန်းမှ ဖော်ထုတ်နိုင်ခဲ့လေရာ သောက်ကျိုးနဲ ၀က်ဝက်ကွဲ ချိန်းမွန်းခံခဲ့ရဘူးသည်။

ဝယ်လဆင်ပွတ်

 

အထက်ပါရေးသားထားသော အကြောင်းအရာများပါသည့် မှတ်တမ်းကြီးကို ကျွန်တော်ဖတ်ရှုရသောအခါ နာမည်ကြီး ထိုလူလိမ်၏ အကြောင်းကို အံ့သြောကုန်နိုင်ဖွယ်တွေ့ရလေသည်။ ထိုအကြောင်းများကို မူရင်းအတိုင်း ပြန်လည်ရေးသားရသည်ရှိသော် ပြည်သူ့ဆိုင်တွင် ဆန် ၊ ဆီ ထုတ်ရသော စာအုပ်မျိုး ၅ အုပ်ခွဲခန့် ဖြစ်သွားကာ စာဖတ်သူများ အနေဖြင့် ရိုးအီပျင်း ရိ သွား နိုင်သောကြောင့် ၀တ္ထုသဖွယ်ဆောင်းပါးပုံတမျိုး ယခုခေတ် အနေအထားဖြင့် ပြန်လည်ရေးသား လိုက်ရပါသည်။

စာရေးသူ

 

သူ့နာမည်ကား သူတော်လိမ်၊ အမည်ရင်းမှာ အာရကန်လူမျိုးဖြစ်သော ကြောင့် သူတော် ဖြစ်သော်လည်း အင်မတန် လိမ်လည်တတ်သောကြောင့် အပေါင်းအသင်း မိတ်ဆွေများက သူတော်လိမ် ဟုခေါ်လေသည်။ လန်ဒုံမြို့ ခါးလောက ( ခါးပိုက်နိုက်) ၊ ခိုးဆိုးလုယက်လောကသားများသည် ထိုခေတ်အခါက သူတော်လိမ်ဆိုသော နာမည်ကြားလျှင် အင်မတန် ရွံ့ကြလေသည်။ အကြောင်း မူကား အနှီတို့၏ ခိုးရာပါပစ္စည်းများကို ထုခွဲပေးမည်ဆိုကာ မကြာခဏ တပတ်တင်မက သုံးလေးပတ်လောက်ရိုက်ကာ လိမ်လည်သွားတတ်သောကြောင့် ဖြစ်လေသည်။ သူခိုးလက်မှ သ၀ှက် လု ဆိုသောစကားအတိုင်း သူတော်လိမ်မှာ သ၀ှက်ကြီးတယောက်ဆိုလျှင်လည်း မမှားပေ။ သူတော်လိမ်၏ သုံးနေကြလက်သုံးစကားတခွန်းသည် ယနေ့အထိတိုင်တွင်ကျယ်စွာ အသုံး ပြုနေ ကြဆဲကို တွေ့ရှိနိုင်ပေသည်။ ထိုစကားမှာကား " နားကားသွားမယ် " ဟူ၍ဖြစ်လေသည်။ သူတော်လိမ်သည် ဘယ်တော့မှအလကား ဖြစ်မည့်အလုပ်ကိုလုပ်လေ့မရှိ အနည်းဆုံးတော့ အခမဲ့ ဟု ဆိုသည့်တိုင် မန်းမန်းတီးရသည့် အလုပ်တခုခုကိုသာ ချိန်တွယ်လုပ်ကိုင်လေ့ရှိလေသည်။ အမှီးကျက်အမှီးစား၊ ခေါင်းကျက်ခေါင်းစား၊ ဘာမှမကျက်လျှင် အစိမ်းစားသည်။ ငါးမရရေချိုး ပြန်သော လူစားမဟုတ် ရေချိုးယုံတင်သာမက အ၀တ်ပါလျှော်လို့ရလျှင်လျှော်သွားတတ်သည်။

သူတော်လိမ်သည် လျှို့ဝှက်စွာနေထိုင် သွားလာတတ်သည်။ သူသည် ရုပ်ပြောင်းရုပ်လွှဲ အင် မတန်တော်သည်။ သူ၏ ပုံမှန် စတိုင်မှာ မိုးကာဝတ်လျှင်ဝတ် ဒါမှမဟုတ်သေခြာသည်က ၁၂ ရာသီ ခေါက်ထီးကြီးတလက်ကို ကိုင်စွဲထားလျက်ရှိသည်။ ရူးနှန်းပြီး ကိုင်ထားခြင်းကားမဟုတ်၊ ထီးဖွင့်ပြီးနောက် အကြွေးရှင်သောလည်းကောင်း၊ သူလိမ်ထားသော သူတို့နှင့် ဆုံလျှင်သော်လည်းကောင်း မတွေ့ရန် အတွက်ကာကွယ်ဖို့ဖြစ်လေသည်။ သည်လောက်ဆို သူတော်လိမ်အကြောင်း အနည်းငယ်တီးခေါက်မိလောက်ပြီထင်ပါသည်။

သူတော်လိမ်သည် အနည်းငယ် ပဲမကြပ်သော အလုပ်မျိုးကို စိတ်မ၀င်စား ၊ အချီကြီး လိမ်ရန် အမြဲကြံနေတတ်သည်။ ထို့အလျောက် အကြီးအကျယ်လိမ်ရန် ကြံရွယ်ခဲ့ဘူးသည်။ လည်တာက လဲ လည်ချင်သည်၊ လည်တော့လည်တယ်တပတ်မပြည့် ဆိုသည့် အတိုင်း နောက်ဆုံးတော့ သူလိမ်တာတွေ ဘူးပေါ်သလိုပေါ်သွား ခဲ့ရသည်၊ သူတော်လိမ်အနေဖြင့် ကံဆိုးသည်က မလည်ရှုပ် ခြင်း တူသည် တက်လော့ ဟုန်းကိုပါ လိမ်ရန်ကြိုးစားခဲ့ ခြင်းဖြစ်လေသည်။

 

သူသည်တော်သည် သို့သော်လိမ်သည်၊ ဒါကြောင့် သူတော်လိမ်လာပြီ။

 

လန်ဒုံမြို့ကြီးတွင် သတင်းစာတွေရောင်းကောင်းနေသည်။ လူတယောက်သည် လန်ဒုံရေလက်ကြားကိုဖြတ်ကာ ပြင်ဟောင်းပြည်ရှိ ပဲမြစ် မြို့တော်ပေါ်သို့ ချယ်ဂါလီပျံကြီးစီးကာ ပျံသန်းပြမည် ဆိုသောကြောင့်ဖြစ်လေသည်။ ပျံသန်းပြမည့်သူမှာ မစ္စတာသော့တူ ဆိုသူဖြစ်ပြီး ထိုလူစွန့်စားမှာ မြောက်အမေကြီးကားတိုက်ရှိ အင်းလေး အိုင်တွင် ငါးပတ် ဖူးသည့် အတွေ့ အကြုံရှိကြောင်း၊ ထိုသို့စွန့်စားသွားလာရခြင်းကို နှစ်သက်ကြောင်းနှင့် နောက်ဆုံး အာဖရိကမှ တောတွင်းလူရိုင်းတို့၏ စားလက်စ ထမင်းပန်းကန်ကို လုပြီး အသက်လု ထွက်ပြေး ခဲ့ရကြောင်း နှင့် ယခုကဲ့သို့ လန်ဒုံမှ ပဲမြစ်ကို ရေလက်ကြားပေါ်မှ တယောက်ထဲ ပျံသန်းရန် ဆန္ဒရှိကြောင်း သတင်းများက ဖော်ပြထားကြလေသည်။

တဦးတည်းပျံသန်းမှာ ဖြစ်တဲ့အတွက် မည်သည့်အတွက်ကြောင့် အဖော်မပါတကိုယ်တီး ပျံသန်းရကြောင်းကို အင်တာဗျုးသောအခါ စားရိတ်ကုန်မှာကြောက်လို့ဟု မုဆိုးမဂေဇတ် သီတင်း စာတွင် လည်းရေးသားထားလေသည်။ မိမိ စီးနင်းမည့် ချယ်ဂါလီကြီး အတွက် ဖိုးအင်း ကုမ္ပဏီကို အမှာစာပို့ပြီး စတင်တည်ဆောက်နေကြောင်း၊ ယခုစွန့်စားသွားလာ ရန် အတွက် အဓိက လိုအပ်ချက်မှာ ပြည်သူများအားပေးဂရုပြုရန်နှင့် အသုံးပြုမည့် ချယ်ဂါလီကြီးအတွက် ဆီဖိုးများ လိုအပ်လျက်ရှိကြောင်းလဲ ဖော်ပြထားလေသည်။

 

တက်လော့ဟုန်းမှာ ထိုသတင်းစာကိုဖတ်ရှုကြည့် ပြီးနောက် အင်မတန် စိတ်ဝင်စားလျက်ရှိလေသည်။ အဘယ်ကြောင့်ဆိုသော် တက်လော့ဟုန်းသည် လည်းစွန့်စားသွားလာ ရခြင်းကို နှစ် သက်လေသည်။ တက်လော့ဟုန်းစွန့်စားသွားလာ ခြင်းများကား အင်မတန် စိတ်လှုပ်ရှားစရာကောင်းသည်။ ဘီယာကလေးမူးပြီဆို သရဲဖမ်းမည်ဟုဆိုကာ လန်ဒုံတ၀ိုက် က သချိင်္ုင်းတွေ ကို ညကြီးမင်းကြီး လျောက်သွားတတ်သည်။ သူရဲတော့မတွေ့ သင်္ချုင်းမှ မြွေပါးကင်းပါးကြောင့် ကိုယ်တိုင်သရဲဖြစ်သွားမှာကိုတော့ မနက်ဖက်အမူးပြေလျှင် ကြောက်တတ်သေးသည်။ သို့သော် ထိုကြောက်စိတ်သည် သူ၏ စွန့်စား သွားလာမှုကိုတော့ မနှိမ်နင်းနိုင်ပေ။

 

တက် - ဒီမယ်ကိုယ့်လူ ပွတ် - ချယ်ဂါလီပျံကြီးဆိုတာ ဘယ်လိုတုန်းဗျ၊ ကျုပ်တို့စီးနေတဲ့ ချယ်ဂါလီကို ပျံခိုင်းထားတာလား

ပွတ် - ဘယ်နှယ့် မစ္စတာတက်ရယ် ချယ်ဂါလီကို အတောင်ပံတပ်ထားတာ၊ အောက်မှာအင်ဂျင်ပါတယ်တဲ့

တက် - နို့ ဘယ်လိုသိရတာလဲခင်ဗျားက

ပွတ် - သိပြီလားဗျာ၊ ကျုပ်မိတ်ဆွေတယောက်က ဖိုးအင်းမှာ အင်ဂျင်နီယာလုပ်တယ်လေ၊ သူပြောတော့ အဲဒီ သော့တူဆိုတဲ့သူက ဒီဇိုင်းကိုယ်တိုင်ဆွဲပြီး လာအပ်တာတဲ့၊ အင်ဂျင်နီယာတွေ တွက်ကြည့်တာ၊ ပျံဖို့မပြောနဲ့ ရှေ့တကိုက်လောက်တိုးဖို့တောင် မဖြစ်နိုင်ဘူးဆိုဘဲ၊ အဲဒါကို သော့တူဆိုတဲ့သူက လုပ်မှာသာလုပ်ပါ သူ့မှာအကြံရှိပါတယ်ဆိုပြီး အပ်တာတဲ့ဗျ။

တက် - လား -လား - တယ်လဲတော်တဲ့သော့တူပေဘဲ ၊ နည်းပညာများအံ့မခန်းပါကလား၊ အင်း ချယ်ဂါလီကြီးတောင် မိုးပျံမှာ တော့မှာ ကလား -

ဟု တက်လော့ဟုန်းသည် မျက်လုံးကလေး ပေကလပ်ပေကလပ်ဖြင့် ပြောနေလေသည်။

ပွတ် - နည်းပညာတိုးတက်တယ်မပြောနဲ့ တလောကတောင် ဂဏန်းပေါင်းစက်ဆိုတာတွေကို ကုန်တိုက်တွေမှာ ရောင်းနေတာ တွေ့ရတယ်။

တက် - ဟုတ်လား ၊ တခါပေါင်းရင် ဂဏန်းဘယ်နှစ်ကောင် ပေါင်းလို့ရလဲ၊ ကျုပ်က ဂဏန်းပြုတ်တို့ ဂဏန်းဟင်းတို့ ကောင်းကောင်း ကြိုက်တယ် တလုံးလောက်ဝယ်ရအောင်

ပွတ် - အို -- ဘယ့်နှယ့် ဟင်းချက်စားတဲ့ ဂဏန်းပြောရမှာလဲ ၊ သင်္ချာတွေ ဘာတွေတွက်ချက်လို့ရတဲ့ စက်ကိုပြောတာ

တက်- အော - ရှင်းရှင်းပြောမှပေါ့ ကျုပ်က သိမှမသိဘဲ

ပွတ် - မသိရင်မေး မစင်စားတဲ့ - အဲလေ မစင်ရင်ဆေးတဲ့ဗျ၊ ဒါနဲ့မေ့နေလိုက်တာ ကျုပ်တို့ ဘိုလူကြီးက မှာထားတဲ့ မီးသွေးတွေ ဒီနေ့ သွားယူရမယ်

တက် - အဲ - ဟုတ်တယ်ဟုတ်ယ်၊ ခင်ဗျားမိဘတွေကလဲ တကတည်း မီးသွေးဘဲ ဘယ်ကဟာဖြစ်ဖြစ်သုံးတာမဟုတ်ဘူး၊ အခုသက်သက်သွားယူရဦးမယ်။

 

ထိုသို့ပြောဆိုကြလျက် မီးသွေးများသွားယူရန်အတွက် ကျွနိုပ်နှင့် တက်လော့ဟုန်းတို့သည် ငါးဒိုင်များ၊ မီးသွေးဒိုင်များရှိရာ ထင်းပုံဆိပ်သို့ထွက်လာကြလေသည်။ ဓါတ်ရထား စီးရင်း လမ်းဘေးဘက်ဘီဘင်သို့ တက်လော့ဟုန်းသည် ကွမ်းတတွေးများ ထွေးချလျက်ရှိရာ ကျွနိုပ်က တားရသေးသည်။ ထို့နောက် ပုဇွန်ဒိုင်အရပ်သို့ရောက်ကြလေသည် (ပုဇွန်ဒိုင် အရပ်ဟု ခေါ်တွင်ရခြင်းမှာ ရှေးအခါက ပုဇွန်ရောင်းဝယ်ဖောက်ကားသော ဖာပုံ- ဘိုလူကြီးတို့မှ ပုဇွန်ဒိုင်အများအပြား ရှိခြင်းကြောင့်ဖြစ်လေသည် --- စာရေးသူ)

 

ဓါတ်ရထားပေါ်မှ ဆင်းလေသော် လူတယောက်သည် ကျွနိုပ်တို့ထံသို့ လျှောက်လာလေသည်ကိုတွေ့မြင်ရလေ၏၊ ကျွနိုပ်လဲ အမှုမဲ့အမှတ်မဲနေနေခိုက် ထိုလူသည်လက်မှ ထီးကောက် ကြီး ဖြင့်တက်လော့ဟုန်းအားတို့လျက် -

 

လူ - ဟေ့လူကြီး ဘယ်ပျောက်နေတာလဲ ဟတ်ဟတ်

တက် - အော် သူတော်လိမ်ကိုး ၊ ခင်ဗျားလဲ ပျောက်နေလိုက်တာ ၊ ကျုပ်ဖြင့်ထောင်ကျသွားပြီမှတ်တာ

လူ - ဖွဟဲ့ -လွဲပါစေ - ဘယ်လိုထောင်ကျရမလဲဗျ၊ ဘာတွေပြောနေတာလဲဗျ -ဟတ်ဟတ် -  ကျုပ်က အခုဒီနားက မိတ်ဆွေတယောက်ဆီလာတာ ခင်ဗျားကရော

တက် - ကျုပ်မိတ်ဆွေ ၀ယ်လဆင်ပွတ်ရဲ့မှာထားတဲ့ မီးသွေးတွေ လာယူတာဗျ

လူ- အော - ဟုတ်လား လုပ်ပါလုပ်ပါ၊ တရက်လောက်စုံကြဦးမယ်လေ မစ္စတာတက် - သရဲဖမ်းကြသေးတာပေါ့ ဟတ်ဟတ်

တက်- ကောင်းပြီဗျာ -

ထို့နောက် ထိုသူတော်လိမ်ဆိုသောသူသည် ထီးဂေါက်ကြီး ရမ်းလျက် ဆေးလိပ်ကလေး လက်ကြားညှပ်ကာ ထွက်သွားလေသည်။

သူ့ကိုကြည့်ရသည်မှာ ပုတက်တက်နှင့် နာမည်ကျော် ဟာသမင်းသား ချာလီချက်ပလင် နှုတ်ခမ်းမွှေးရိတ်ပြီး လာတွေ့သည်နှင့် တူနေသေးတော့သည်။

ပွတ် -စပ်စုတယ်မထင်နဲ့ဗျာ - အဲဒီလူနဲ့ ဘယ်လိုသိတာတုန်း ၊ အင်မတန်ရင်းနှီးခဲ့ကြတဲ့ ပုံဘဲ

တက် - ဆိုးဖော်ဆိုးဖက်တွေထဲက တယောက်ပေါ့ဗျာ

ပွတ် - အင်း - ဒါကြောင့် ခင်ဗျား သူရဲဖမ်းတာကအစသိနေတာကိုး

တက် - ဟဲဟဲ ခင်ဗျားရော ဒီတခေါက်လိုက်မယ်မဟုတ်လား ရင်ခုန်တဲ့ ကစားနည်းလေးလေ

ပွတ် - တော်ပါဗျာ - မလိုက်ပါရစေနဲ့

 

စကားတပြောပြောနှင့် ဘိုလူကြီးမှမီးသွေးများ ယူရန်အတွက် ကမ်းနားသို့ရောက်လာခဲ့ကြလေသည်။ ထို့နောက် ရွေးချယ်စရာရှိသော မီးသွေးများအား လှည်းဖြင့်တင်လျက် ပုဇွန်ဒိုင် ဘူတာမှတဆင် မိဘများရှိရာ ဒဂုံမြောက်သို့ မီးသွေးများပို့ရန်စီစဉ်ရလေသည်။ ထိုသို့စီစဉ်ပြီးနောက် မိဘများအား ကြေးနန်းလှမ်းရိုက်ရန် ဘူတာရုံပိုင်ရုံးခန်းသို့ သွားအခိုက် အစောက တွေ့ခဲ့သော သူတော်လိမ်ဆိုသူသည် ဘူတာစင်္ကြန်တွင် ဆေးလိပ်တဖွားဖွားဖြင့် ခေါက်တုန့်ခေါက်ပြန်လျောက်နေသည်ကို ပြန်လည်တွေ့ရှိရသေ၏။ ထိုအခါတက်လော့ဟုန်းက ထိုသူအား လှမ်းခေါ်နှုတ်ဆက်လေသော် အနီးသို့ရောက်လာလေသည်။

တက် - ဘယ်လိုလဲ မပြန်သေးဘူးလား

လူ - ပြန်မလို့ ဘာလုပ်ရင်ကောင်းမလဲစဉ်းစားနေတာလေ - နေညိုပြီမဟုတ်လား

တက် - ဟုတ်ပေသားဘဲ မေ့နေလိုက်တာ - ဘယ်ပြန်မှာလဲ -

 လူ -လှည်းတန်းလန်း လေ

တက် - ဒါဖြင့် စောပါသေးတယ် မပြန်နဲ့ဦး ကျုပ်တို့ အတူုတူချတာပေါ့ဗျာ - အာရကေလန်းရဲ့လားဗျ

လူ - ဟဲ ဟဲ နားကားနေတာဗျ ခုတလော

တက် - ရပါတယ်ဗျာ - ဒါနဲ့ မိတ်ဆက်ပေးရဦးမယ် ဒါက ကျူပ်နဲ့ အခုလုပ်ငန်းတူတူလုပ်တဲ့ ၀ယ်လဆင်ပွတ်တဲ့ - ကဲ -ဒါကတော့ ကိုသူတော်တဲ့ဗျ

ဟု မိတ်ဆက်ပေးလေသည်။ ကျွနိုပ်လဲ ကြေးနန်းရိုက်ပြီးနောက် ဘူတာနားရှိ ဆိုင်တခုတွင် သုံးယောက်သား ဘိုင်ပွတ်ရင်း ဘီအီးများ သောက်ကာ ရှေးဟောင်းနှောင်းဖြစ်များကို ပြောခဲ့ ကြလေသည်။

 

( ဆက်ရန် )

 

4 comments:

minnyoonthit said...

ကောင်းခန်းရောက်နေပြီ... မြန်မြန်ဆက်နော်...

Tesla said...

အမည်= သူတော်လိမ်။
အလုပ်အကိုင်= ဖုံးပြော။
ကိုးကွယ်သည့်ဘာသာ= အချစ်နဲ့ဘီယာ။
:)
အေးလေ ထောင်ကျသွားပြီမှတ်တာ.။
မောင်ဂေါက်>> သူတော်လိမ် ကို ထောင်မြန်မြန်ချပါ.။ မြန်မြန်ထောင်ချပါ.။အာ..။ lol

ဖုန်း မြင်. said...

အင်း...သူတော်လိမ်...သူတော်လိမ်..
ဒီနာမည်ကို ရင်းရင်းနီးနီး သိနေသလိုမျိုးပဲနော်
မောင်ဂေါက်.....မဟုတ်မှလွှဲရော... ဟိုဒင်း မို့လား...........................။

phoe thu taw said...

အင်း.... တစ်လိမ် နှစ်လိမ် ပွေလိမ်ရှုပ်တယ် ဘိုလုပ်ကြမလဲ တော်သူတောင် လိမ်နေပြီးဆိုတော့ မတော်သူတွေ ဆို သာခက်ပေပေါ့။ လိမ်စရာ မရှိရင် ကိုယ့်နားရွက် ကိုယ်လိမ်ရင် ကောင်းမလားလို့ဗျာ ဟတ်ဟတ်. ညနေဆုံမယ်..မြေဖြူကုန်းမှာ.. တိုက်ပွဲငယ်လေး ရှိမယ်..လက်နက် အသင့် ပြင်ထားပါ... ကီးစိန်