လှပမှုစင်မြင့်ပေါ် (သို့) Stage Beauty




မနေ့ကလဲ ထုံးစံ အတိုင်းဘဲ ၊ ဘယ်မှ မသွားဖြစ်တာနဲ့ movie 5 ကြည့်ရင်း အခုကြည့်တဲ့ Stage Beuty ကားလာတာနဲ့ ကြည့် ဖြစ်ခဲ့ ပါတယ်။ ၂၀၀၄ ခုနှစ်က ရိုက်ကူးခဲ့တဲ့ ကားဟောင်းတခု ဖြစ်ပေမယ့်။ ကြည့်ကောင်းတဲ့ ဒရမ်မာ ဇာတ်ကားလေး ဖြစ်ပါတယ်။ Claire Denes နဲ့ Billy Crudup တို့ ခေါင်းဆောင် ပါဝင်ထားတဲ့ ဒီဇာတ် လမ်းလေးဟာ ရှေးခောတ် အင်္ဂလန် ၁၈ ရာစု တုန်းက ဖြစ်ခဲ့တဲ့ အကြောင်းလေး တွေကို နောက် ခံ ထား ရိုက်ကူး ထားတာ ဖြစ်ပါတယ်။

ပြဇာတ်တွေ မှာ မင်းသမီးများ ပါဝင် ကပြခွင့်မရတဲ့ အမိန့် ကြောင့် ရှိတ်စပီးယား ပြဇာတ်တွေမှာ မင်းသမီး နေ ရာ ကို ယောက်ျားများက ပါဝင်ကပြ ကြပါတယ်။ အဲလိုတင်ဆက်တဲ့ ယောကျား မင်းသမီး တွေဟာ နေထိုင်ပြေ ဆိုမှုတွေ ကို မိန်းကလေး တယောက်နဲ့ တူအောင် အတော် ကျင့်ယူထားခဲ့ရတာပါ။ ဒီအထဲက အင်မတန် နာမည်ကြီးတဲ့ အော်သဲလို ပြဇာတ်မှာ သရုပ်ဆောင်ရတဲ့ ယောကျား မင်းသမီးတဦးနဲ့ သူရဲ့ ၀တ်လဲ တော် ကောင်မလေး ၊ အပြောင်းအလဲ ကိုလိုလားတဲ့ ဘုရင်ကြီး၊ အင်မတန် သရုပ်ဆောင် တဦး ဖြစ် ချင်ခဲ့တဲ့ ၀တ်လဲ တော် ကောင်မလေး ကြောင့် အင်င်္ဂလန် မှာ မင်းသမီးများ ပြန်လည် ကပြ ခွင့်ရရှိသွားတဲ့ အခါ ယောကျား မင်းသီး တဦးအနေ နှဲု သူ့ရဲ့ အောင်မြင်မှု၊ ကျော်ကြားမှု ။ ပုရိတ်သတ်တွေကို ရုတ်တရက် စွန့် လွှတ်လိုက်ရ တော့မယ့် အခါ၊ သံယောဇဉ်နဲ့ ၀ါသနာ၊ အောင်မြင်မှုနဲ့ ပေးဆပ်မှု များ၊ စတဲ့ စိတ်ဝင်စားဖွယ် ကောင်းတဲ့ အ ကြောင်း တွေ အပြင်၊ ပြဇတ်လော က တခုလုံး အပြောင်းအလွဲ လေး ဖြစ်သွားအောင် ဖန်တီး ဖို့ ဆုံးဖြတ် လိုက်တဲ့ သူတို့နှစ်ယောက် ကိုဘုရင်ကြီးနဲ့ ပြည်သူတွေ ဘယ်လိုတုန့် ပြန်လိုက်တယ် ဆိုတဲ့ လောက အလှည့် အပြောင်းလေးတွေ ကို မပျင်း မရိ ဖြစ်အောင် ခံစားရမှာပါ။
ဒီဇာတ်ကား ထဲက အကြိုက်ဆုံး စကားတခွန်း ကို လက်ဆောင် ပြန်ပေးလိုက်ပါတယ်
" ဇာတ်ကောင် ကိုသရုပ်ဆောင် ကလွှမ်းမိုးရမှာ - ဇာတ်ကောင် ကသရုပ်ဆောင် ကိုလွှမ်းမိုးလို့ မရဘူး "

ပျော်ရွှင်ခံစား ကြည့်ပါ။

0 comments: