မယုံကြည်ရတဲ့ဝယ်လိုအား

တနေ့ ကရုံးမှ လုပ်ဖော် ကိုင်ဖက် အစ်မတစ်ယောက် ရဲ့ပြောစကား တစ်ခုကို သတိရမိတယ်။ သူပြောသွား သည်မှာ ကြက်တူရွေး တစ်ကောင်ကို demand နဲ့ supply ဆိုတဲ့ နှစ်လုံးဘဲ သင်ပေးလိုက်၊ ဒါဆို ဘောဂဗေ ဒပ ညာရှင် ဖြစ်သွား ပြီတဲ့။ ဟုတ်ပါတယ် ကျွန်တော် အပါအ၀င် ဘာမှလည်လည် ပတ်ပတ်မသိ တဲ့သူတွေက စီး ပွားရေးမှာ ဟိုဟာ ကောင်းတယ်၊ ဒီလိုလုပ်ပါလား၊ ဟုတ်မှာပါလေ၊ ငါပြောသားဘဲ အစရှိတဲ့ တတ်ယောင် ကား အမြင်တွေကို လုပ်ပိုင် ခွင့်တွေသုံးပြီး စီမံကြည့်တဲ့ အခါ မဖြစ်ညစ်ကြယ် တွေဖြစ်ပြီး အမြင်တခြား ရလဒ်တစ်ခြား ဘရုတ်သုတ်ခ စီးပွားရေး ပေါ်လစီ လေးတွေဖြစ်လာခဲ့ တော့တာပေါ့။ ကဲအခုဘဲ ကြည့် သီအိုရီ အသစ် parrot economic တဲ့
ကြက်တူရွေးဘောဂဗေဒပေါ့- ဟာ ဟ။

ကဲကျွန်တော့်ရဲ့ ကြက်တူရွေး အမြင်လေး ဆက်ပါဦးမယ်။ ၀ယ်လိုအားနဲ့ ရောင်းလိုအား တစ်ဘက်ဘက်ကလိုအပ် လို့ ဘဲဖြစ်ဖြစ်၊ ပိုနေလိုဘဲ ဖြစ်ဖြစ် ဒီရလဒ် ဟာတူညီမှု့ ရှိတယ်လို့ ယုံလား။ ကျွန်တော်ရှင်းပြ ချင်ပါတယ်။ သင်္ချာ နည်း အရကြည့်ရင် တစ်ဘက်က လိုနေတာ တဖက်ကပို နေလို့ ဆိုတဲ့ အဖြေထွက် လာနိုင်ပါတယ်။ ဒါယုတ္တိ ဗေ ဒသဘော ပါ။ နောက်တစ်ခုရှိတာ ပိုနေလိုနေတဲ့ ဘက်ဟာ အပေါင်း ဘက်ကလား အနှုတ် ဘက်ကလား။ ဒီမှာ တင် အဖြေကရှင်းပါတယ် ဘယ်လိုမှ ရလဒ်တွေ တူညီဖို့ ဆိုတာ မဖြစ်နိုင်တော့ ပါဘူး။ ကျွန်တော်တို့ နိုင်ငံ ရဲ့ စီး ပွားရေးကို ပြန်ကြည့် တဲ့အခါ ကုန်ဈေးနှုန်းဟာ လွန်ခဲ့တဲ့ ဆယ်စုနှစ် အတွင်း ဆက်တိုက် တိုးလာနေပါလျက် ၀ယ်လို အားကျမသွား တာကိုကြည့်ရင် လူတစ်ဦးချင်း ၀င်ငွေတိုးလာတယ်လို့ ယေဘူယ ကောက်ချက်ဆွဲ နိုင်ပါ လိမ့်မယ်။ ဒါပေမယ့် ကြာကြာမခံ ခဲ့ပါဘူး။ ဘာလို့ လဲဆိုတော့ တစ်ဦးခြင်း စုဆောင်းငွေ ပမာဏ ဟာတက်မလာ ခဲ့ဘဲ ဒီအတိုင်းတန့် နေပြီး ၀ယ်လိုအားအများစုရဲ့ ဈေးကွက်ဟာ တစ်ကယ့်လက်တွေ့မှာ အသေးအဖွဲ ပြန့်ကျဲ နေလို့ပါ။ ရှင်းရှင်း ပြောရင်တစ်ဦးခြင်း ၀ယ်လိုအားဟာ အခြေခံ စားသောက်ကုန်တွေပေါ်မှာ သာမှီနေပြီး အဲဒီ ဈေးကွက် ကဘဲ တကယ့်ဝယ်လိုအားကို ခန့် မှန်းနိုင်မယ့် အချက်ဖြစ်နေလို့ ဘဲ။ အစကနေစပြောပါမယ်။ ပထမ ဆုံး FDI လို့ ခေါ်တဲ့ ပြည်ပတိုက်ရိုက် ရင်းနှီးမှု့ ပမာဏ ဟာတိုးတက် လာခဲ့ပြီး ပြည်တွင်းလုပ်ငန်းကြီး တွေဟာလဲ တိုးတက်တဲ့ အမြတ်အစွန်းတွေရရှိပါတယ်။ နိုင်ငံတော်ရဲ့ စီးပွားရေးဟာ အတက်ဘက်မှာ ဘဲရှိနေပါတယ်။ ဒါ့ကြောင့်စာရင်းဇယားတွေအရ GDP ဟာလဲ တက်လာခဲ့ရပါတယ်။ ဈေးကွက်ဝေစုအများစု ရရှိထားတဲ့ လုပ်ငန်း ကြီးတွေဟာ အစိုးရတစ်ပိုင်း အဖြစ်ရှိနေပြီး တစ်ချို့ သောလုပ်ငန်းတွေဟာလဲ တစ်ဦးတီး ပိုင်လုပ် ငန်း ကြီးတွေဖြစ်နေတဲ့ အတွက် ရရှိလာတဲ့ အကြိုးအမြတ်တွေ ဟာအောက် ခြေ၀ယ်လိုအား ကောင်းရာလူတန်း စား တွေထံ မရောက်တဲ့ အဓိက ပြသနာဖြစ်ပါတယ်။ အမြတ်အစွန်းတွေအားကောင်း စေတဲ့ စီးပွားရေး ပါ် လစီ ကောင်းကြောင့် သွင်းကုန်ထုတ်ကုန်လုပ်ငန်းရှင်ကြီးတွေ သာသာထိုးထိုး အမြတ်များစွာရရှိ စေခဲ့ပြီး။ စီးပွားရေး အလုပ်အကိုင် အခွင့်အလမ်းတွေလဲ အထိုက်အလျောက် တိုးလာပြန်ပါတယ်။ ဒါပေမယ့် ထိုလုပ်အားပြု လူတန်း စားကတော့ သိသာတဲ့ လုပ်ခလစာ တိုးတက်လာခဲ့ခြင်းကြီးကြီး မားမား မဖြစ်ခဲ့တာတွေ့ရပါတယ်။ ဒီလို အကျိုး အမြတ်တွေရလာတဲ့ လူတန်းစားတွေရဲ့ ၀ယ်လိုအားကြီး ထွားလာမှုဟာ အခြေခံ ၀ယ်လိုအားအင်အားစု အပေါ် သက်ရောက်လာခဲ့ တဲ့လှိုင်းကတော့ ပြင်းထန်ပါတယ်။ ဆိုလိုတာ ငွေတွေများနေတဲ့ လုပ်ငန်းရှင်ဟာ လုပ်ငန်း သစ်တွေချဲ့ ထွင်ရာမှာ သုံးတဲ့ ငွေပမာဏနဲ့ တခြား သောဇိမ်ခံပစ္စည်း တွေအပေါ် သုံးတဲ့ပမာဏ ဟာအချိုးမကျ စွာရှိနေပါတယ်။ နိုင်ငံခြားတိုင်းပြည် မှာအမှန်တကယ်ပေါက်တဲ့ ဈေးထက် သုံးဆနီးပါးတန်တဲ့ နောက်ဆုံး ပေါ် ကားတွေဝယ်စီး နိုင်သူဦးရေက တနေ့တခြား တိုးပွားလာတာ လက်တွေ့ မြင်နိုင်ပါတယ်။ အဲဒါရဲ့ နောက်ဆက်တွဲ ရင်းနှီးမြှုပ်နှံမှု့ က အိမ်ခြံမြေဈေးကွက်ပါ၊ နောက်တော့ ရွှေ၊ ဒီလ်ိုပစ္စည်း တွေအပေါ် ၀ယ်လိုအားကောင်း လာတဲ့ အခါ ကားဈေး ကွက်၊ အိမ်ဈေးကွက် ၊ ရွှေဈေး ကွက်တွေဟာ အလုအယက် ၀ယ်လိုသူတွေကြား ကမောက် ကမ နဲ့ တက်ခါတကခါ သွားပါတော့တယ်။ သူ့ ရဲ့ side effect ကတော့ ၀ယ်လိုအားရှိတိုင်းတက် တဲ့ ဘောဂဗေဒ သ ဘောအရ အခြေခံ စားကုန်တွေလိုက်တက်လာပါတယ်။ သူကလဲရှင်းပါတယ်။ ကားဈေးတက်တော့ တာယာ ဈေးတက်တယ်၊ တာယာဈေးတက်တော့ အဝေးကနေလာတဲ့ အခြေခံ စားကုန်တွေဖြစ်တဲ့ အရာတွေမှာ သယ် ယူပို့ဆောင်စားရိတ်အဖြစ် လိုက်တက်တယ်။ ဒါပါးပါးလေးပြောတာနော်။ တကယ့် ၀ိုင်းကြီးပတ်ပတ် ဘဲ။ ဒီနှစ် အတွင်းမှာ ဓါတ်ငွေ့တွေရောင်းရတဲ့ အတွက် နိုင်ငံတော်ရဲ့ စီးပွားရေးမှာ အစိုးရပါဝင်မှု့ ဟာ အားလုံးရဲ့ ၅၂ % ရှိ တယ်လို့ ဂျာနယ်တစ်စောင်မှာဖတ်လိုက်ရပါတယ်။ စီးပွားရေးမှာ ပုဂ္ဂလိက အခန်းကဏ္ဍ ကိုရှိရင်းစွဲ ထက် တိုး ဖို့ လိုမှာဖြစ်ပြီး ဒီလိုတိုးတဲ့ နေရာမှာ လုပ်ငန်းသေးများ ကိုလဲ နေရာပေးဖို့ လိုပါတယ်။ နောက် တစ်ခုက ခုဏ က ပြောတဲ့ လုပ်ငန်းရှင်ကြီးတွေအနေနဲ့ ဆောဒက တက်စရာအကြောင်း က ဘဏ် စနစ် အားနည်းလို့ ရတဲ့ ငွေ တွေအခုလို ၀ယ်နေရတာပါလို့ လေ။ အခုလိုဝယ်နေမယ့် အစားတခြားသော ရင်းနှီး မြှုပ်နှံ မှု တွေသာ ဆက် လုပ် ရင် သူလဲ အကျိုးအမြတ်တွေထက်ရဦး မှာဖြစ်သလို အလုပ်အကိုင် သစ်တွေဖန်တီးရာရောက် ပါတယ်။ ဒီတော့ ဗဟိုဘဏ် ကအတိုးနှုန်းလျော့ ချခြင်းဖြင့်၎င်း၊ မော်တော် ကားလိုဇိမ်ခံ ပစ္စည်း တွေကို လွတ်လပ်စွာ တင်သွင်း ခွင့် ပေးခြင်းဖြင့်၎င်း ဒီကိစ္စ ကို အနည်းငယ်ကိုင်တွယ်နိုင် လိမ့်မယ်ထင်ပါတယ်။ နိုင်ငံတော်က ပုဂ္ဂလိက ကဏ္ဍ ကိုနှစ်စဉ် တိုးပေးနေတာ တွေ့နိုင်ပါတယ်။ အဓိကကတော့ ကုန်သွယ်ရေး မှာ လုပ်ငန်းရှင်တိုင်း တရားဝင် တန်းတူ လုပ် ပိုင် ခွင့် အခွင့်အရေး ရစေရပါမယ်။ ဒါမှသာတကယ့် ၀ယ်လိုသူတွေထံ အလွယ်တကူဝင်ငွေ စီးဆင်း စေနိုင်မယ့် အခွင့်အရေးတွေ ရဖို့ မျှော်လင့်ပါတယ်။
ဒါဆို အခုဖြစ်နေတဲ့ ၀ယ်လိုအားကို သင်တကယ် ယုံ သေးလား။

0 comments: