"-------" ရယ်

"-----"ရယ်၊
ခွဲခွာရက်ကြား
စာလွှာမပါးစကားမကြုံ
အလွမ်းပုံအောင်
နေရက်ထားရက်
စေစားရက်တယ်။

"-----"ရယ်၊
မေ့လို့မရစိတ်ကသိရက်
အသည်းနွမ်းအောင်စွမ်းဆောင်သူကို
မုန်းမမေ့ရဲတွယ်နှောင်ဆဲမို့
ခံစားခက်တယ်။

"-----"ရယ်
လျှောက်လှမ်းဘ၀
တူတကွလို့နှုတ်ကချွေဘူး
စကားဦးတွေ
နှုတ်ဖြာအလှစွယ်တော်မြလို
ခွဲရက်ခွာရက်ကွဲကွာခက်တယ်
စဉ်ဆက်ဘ၀ဖြစ်ရစေလို
ခွန်းဆင့်ပေဖူးစကားထူးတွေ
တောင်ပံသွယ်ယှက်
မောင်နှံငှက်ဖြစ်ရင်တောင်မှ
အချစ်မရှိတဲ့ဘ၀၊ခဏမနေချင်
မျှော်လင့်ခြင်းကင်းတဲ့မနက်ဖန်အတွက်
အောက်ချင်းငှက်ဘဲဖြစ်ရပါလို
သစ္စာတိုင်ဖူး၊ဆုမွန်ဦးတွေ
မေ့ရက်လေသလား?

အခုတော့လဲ
ဒီစကားတွေ
လေ၀ယ်လွင့်ပျောက်
ခြေရာကောက်ခက်တယ်။

0 comments: