ဘလာဂေါက်ရဲ့တစ္ဆေပုံပြင်

အဲဒီနေ့ညကဖြစ်ပါသည်။အဲဒီနေ့မှာထိုနေ့ပါ။ညဘက်အိမ်ပြန်လမ်းပေါ်မှထိတ်
လန့်စရာများကိုမပြောခင်လမ်းခရီးအကြောင်းပြောရပါမည်။ဘလာဂေါက်တို့ရုံး
သည်မြေနီကုန်းမှာဖြစ်ပါသည်။ဘလာဂေါက်ကသံလွင်လမ်းမှာနေသည်။နေ့စဉ်
လမ်းလျှောက်သွားလမ်းလျှောက်ပြန်တာများပါသည်။အကွာအဝေးမှာမနီးမဝေး
တစ်မိုင်နီးပါးလားကျော်သလားအသေအချာမသိ။သေချာတာတစ်ခုကတော့ဘ
လာဂေါက်ရဲ့လမ်းလျှောက်နှုန်း၊တစ်စက္ကန့်နှစ်လှမ်း၊မိနစ်သုံးဆယ်ဆိုရုံးရောက်၊
တွက်ကြည့်ပါကခြေလှမ်း၃၆၀၀၊အသွားအပြန်ဆိုခြေလှမ်း၇၂၀၀။ဒဏ္ဍာရီလာ
ခြေရာ၁၀၀၀မောင်မဲခေါင်ကိုအပြော့၊သူသိလျှင်လက်ဖျားသာမကခြေရောခေါင်း
ပါသွက်သွက်ခါအောင်လှုပ်သွားမည်။တစ်လခြေလှမ်းသိန်းချီသွားလာနေသောဘ
လာဂေါက်ဖြစ်သည်။ရုံးမှအပြန်နောက်ကျသောညတစ်ည။၁၁နာရီကျော်ကျော်
အကာလ။လူကြီးခေါင်းချချိန်လား၊ကလေးတစ်ရေးနိုးချိန်လားမသိ။တစ်ယောက်
ထဲသာရှိတဲ့လမ်းပေါ်။မြေနီကုန်းဓမ္မာရုံလမ်းအတိုင်းလျှောက်လာခဲ့သည်။လမ်းဆုံး
ကဦးဝိစာရလမ်း၊ကူးလိုက်လျှင်တော့ချင်းတွင်းလမ်းထဲရောက်ပြီ။Blazonဘေးမှ
ဖြတ်လာတုန်းမီးရောင်ရှိနေသေး၊ကွေ့မှာတော့မှောင်နေသည်။လမ်းမီးများမလာ
အိမ်မီးများလဲပျက်နေပုံရသည်။အပေါ်ကိုမော့ကြည့်လိုက်တော့ကောင်းကင်ကိုတွေ့
သည်။ကြည်ရောင်လရောင်မရှိတာကိုပြောတာပါ။မောင်မဲနေသမှကတ္တရာလမ်းမှာ
မီးသွေးကဲ့သို့မှောင်ရတဲ့အထဲဘာမှမမြင်ရ။စမ်းတ၀ါးဝါးလျှောက်လာခဲ့ပြီးဘေးဘက်
ဘီဘင်တစ်ခုမှမကြည့်။တည့်တည့်လျောက်လာခဲ့သည်။အဲဒီအချိန်မှာနောက်ကအသံ
တစ်ခုကိုကြားရတော့လှည့်မကြည့်။ဝုန်းကနဲဘလာဂေါက်ဘေးမှမဲမဲအရိပ်တစ်ခုလျှင်
မြန်စွာဖြတ်သွားသည်။တစ်ကိုယ်လုံးလေတိုက်သလိုခံစားမိလိုက်ပါသည်။အရှေ့မှာ
မြင်နေရပြီ။လုံးဝသဲသဲကွဲကွဲတော့မဟုတ်။ဒါပေမဲ့လုံးလုံးမကြောက်ပါ။ဆိုက်ကားတစ်
စီးဖြစ်သည်။လမ်းပေါ်မှာပြန်လည်တိတ်ဆိတ်သွားပြန်သည်။ဟိုအရင်ကကြားဘူးတဲ့
သရဲအကြောင်းတွေပြန်သတိရလာပြီးခြောက်ခြားလာခဲ့သည်။အိမ်တွေကခြံတွေဝင်း
တွေ၊သစ်ပင်ကြီးတွေကလမ်းပေါ်အုပ်မိုးထားပြီးလူသူလေးပါးကင်းတဲ့လမ်းမှာတစ်ကို
တည်း။ရုတ်တရက်သစ်ပင်ပေါ်ကသရဲဆင်းလိုက်ရင်ဒုက္ခ။စဉ်းစားနေရင်းရှေ့မှာမီးစ
နီနီလေးကိုအမှောင်ထဲမှာတွေ့နေရသည်။ပုံပြင်တွေထဲကလိုသရဲကဆေးလိပ်သောက်
နေပြီးမီးငြိမ်းသွားလို့မီးတစ်တို့လာတောင်းသည့်အဖြစ်မျိူးကြုံရင်ပြသနာ။ကိုယ်တိုင်
ကဆေးလိပ်မသောက်သောဘလာဂေါက်ဖြစ်သည်။မီးခြစ်မရှိ။တော်ကြာတောင်းတာ
မပေးရင်အိမ်လိုက်လာနိုင်သည်။ဒီတော့အိတ်ကပ်ထဲက၅၀တန်တစ်ရွက်ကိုကျစ်ကျစ်
ပါအောင်အသင့်ဆုတ်ထားလိုက်သည်။သူတောင်းရင်၅၀ပေးပြီးမြေနီကုန်းမှာသွားဟု
ပြောပြီးပစ်ချကာပြေးမည်။ဒီအကြံမဆိုးဘူး။နီးလာပြီ။ရှေ့တိုးလာရင်းအသံနက်ကြီးနှင့်
လှမ်းပြောသည်။"ငါ့ညီနောက်ကျလိုက်တာ"။ကင်းစောင့်နေသောစစ်သားကြီး။ဘလာ
ဂေါက်ရုံးပြန်ရင်နေ့တိုင်းတွေ့နေသဖြင့်ခင်နေတာကြာပြီ။သူ့အသံနက်နေခြင်းမှာအ
မှောင်ထဲမှာပြောလို့ဖြစ်နိုင်သည်။ဒါနဲ့ဘလာဂေါက်လဲပြန်ဖြေလိုက်သည်။"ဟုတ်တယ်"
တစ်ခရီးတော့ဆုံးပြီ။ချင်းတွင်းလမ်းမှအထွက်သံလွင်လမ်းမကြီးပေါ်အရောက်၊ဘယ်သူ
မှတော့မရှိ။ကားလမ်းကူးမယ်အလုပ်မှာရုတ်တရက်တွေ့လိုက်ရသောမြင်ကွင်းကြောင့်
ဘလာဂေါက်မျက်လုံးများပြာဝေသွားသည်။လှမ်းနေဆဲခြေလှမ်းများတုန့်ဆိုင်းသွားရ
သည်။ရောက်နေရာမှာရပ်တန့်ပစ်လိုက်ပြီးမျက်စေ့စုံမှိတ်ထားလိုက်မိကာနေလိုက်ရ
တော့သည်။အင်းယားလမ်းဘက်မှကားတစ်စီးမီးကြီးထိုးကာအရမ်းမောင်းလာတာဖြစ်
သည်။ကားလမ်းကူးပြီးနောက်winner Innကိုကျော်လာပြီးရတနာမြိုင်ကိုချန်ဟိန်းအိမ်
နားရောက်တဲ့အခါမှာတော့ဗြုန်းဆိုလမ်းမီးတွေပြန်လင်းလာပါတယ်အဲဒါနဲ့ဘလာဂေါက်
လဲအိမ်ကိုချောမောစွာပြန်ရောက်လာခဲ့ပါတယ်။သရဲလဲမခြောက်ခံရပါ။
(သူများတကာတကယ်သရဲခြောက်တာခံရတယ်ထင်ပြီးဖတ်နေတာမဟုတ်လား-အဟိ)

0 comments: